കൊല്ലം: കൂട്ടുകാരന് സഹായം തേടിയാണ് എംഎല്‍എ മുകേഷിനെ വിളിച്ചതെന്ന് ഒറ്റപ്പാലം സ്വദേശിയായ പത്താം ക്ലാസ് വിദ്യാര്‍ത്ഥി. ഒറ്റപ്പാലത്ത് മാധ്യമങ്ങളോട് പ്രതികരിക്കുകയായിരുന്നു മീറ്റന സ്വദേശിയായ വിഷ്ണു.
‘ആറ് തവണ വിളിച്ചു. സിനിമ നടനെ വിളിക്കുകയല്ലേ എന്റെ കാര്യം നടക്കുമെന്നാണ് കരുതിയത്. ഫോണില്ലാത്ത കുട്ടികള്‍ക്ക് സൗകര്യം ഒരുക്കാന്‍ വേണ്ടി സഹായം തേടിയാണ് വിളിച്ചത്. എന്നെ തിരിച്ച് വിളിച്ചതാണ് പുറത്ത് വന്ന കോള്‍. ഫോണില്ലാത്ത കുട്ടികള്‍ പഠനത്തിന് കഷ്ടപ്പെടുന്നത് കണ്ട് വിഷമം തോന്നിയിരുന്നു. എനിക്ക് ഫോണ്‍ വാങ്ങി നല്‍കാന്‍ അമ്മ ബുദ്ധിമുട്ടിയത് കണ്ടിരുന്നു. അത് കണ്ട് മറ്റ് കുട്ടികള്‍ക്ക് സഹായത്തിനു വേണ്ടിയാണ് മുകേഷിനെ വിളിച്ചത്’ വിദ്യാര്‍ത്ഥി പ്രതികരിച്ചു. മുകേഷ് വഴക്ക് പറഞ്ഞതില്‍ കുഴപ്പമില്ലെന്നും കുട്ടി വ്യക്തമാക്കുന്നു. വിവാദത്തിന് ശേഷം മുകേഷുമായി സംസാരിച്ചിരുന്നില്ല. എന്റെ ഫേണിലാണ് സംസാരിച്ചത്. ഞാന്‍ തന്നെയാണ് റെക്കോര്‍ഡ് ചെയ്ത്. നാല് ദിവസം മുന്‍പാണ് വിളിച്ചതെന്നും കുട്ടി വ്യക്തമാക്കുന്നു.
മുകേഷ് എംഎല്‍എയെ ഫോണില്‍ വിളിച്ച വിദ്യാര്‍ത്ഥിയെ തിരിച്ചറിഞ്ഞതിന് പിന്നാലെ വിഷയത്തില്‍ പ്രാദേശിക സിപിഐഎം നേതൃത്വവും ഇടപെട്ടിരുന്നു. പാലക്കാട് എംപി വികെ ശ്രീകണ്ഠന്‍ എംപി കുട്ടിയെ വീട്ടിലെത്തി സന്ദര്‍ശി സന്ദര്‍ശിച്ചതിന് പിന്നാലെ കുട്ടിയെ സിപിഎം ലോക്കല്‍ കമ്മിറ്റി ഓഫീസിലേക്ക് മാറ്റുകയായിരുന്നു. ഇവിടെ വച്ച് പ്രാദേശിക സിപിഐഎം നേതാക്കളുടെ സാന്നിധ്യത്തിലായിരുന്നു കുട്ടി മാധ്യമങ്ങളെ കണ്ടത്.
