60 ജിഎസ്എമ്മിന് താഴെയുള്ള പ്ലാസ്റ്റിക് ക്യാരി ബാഗുകള് നിരോധിച്ച സംസ്ഥാന സര്ക്കാരിന്റെ ഉത്തരവ് ഹൈക്കോടതി റദ്ദാക്കി
പ്ലാസ്റ്റിക് ക്യാരി ബാഗുകൾ നിരോധിക്കാന് സംസ്ഥാന സര്ക്കാരിന് അധികാരമില്ലെന്നാണ് പുതിയ കോടതി വിധി.
ജസ്റ്റിസ് എന് നഗരേഷിന്റെ ബെഞ്ചാണ് നിര്ണായക വിധി പുറപ്പെടുവിച്ചത്. പ്ലാസ്റ്റിക് വേസ്റ്റ് ചട്ടപ്രകാരം, നിരോധനത്തിന് അധികാരം കേന്ദ്രസര്ക്കാരിനാണെന്നും കോടതി ചൂണ്ടിക്കാട്ടുന്നു . പ്ലാസ്റ്റിക് ക്യാരി ബാഗുകള്ക്ക് നിരോധനം ഏര്പ്പെടുത്തി സംസ്ഥാന സര്ക്കാര് നടപടി ചോദ്യം ചെയ്ത് സമര്പ്പിക്കപ്പെട്ട ഹര്ജിയിലാണ് ഇപ്പോൾ കോടതി ഉത്തരവ് ഉണ്ടായിരിക്കുന്നത്.
പ്രകൃതി സൗഹൃദ സംസ്ഥാനമായി കേരളത്തെ മാറ്റിയെടുക്കുക എന്ന ലക്ഷ്യത്തോടെയാണ് സംസ്ഥാന സര്ക്കാര് നിരോധന ഉത്തരവ് ഇറക്കിയത്. ഇത്തരം പ്ലാസ്റ്റിക് കവറുകള് ഭൂമിയില് നശിക്കാതെ കിടക്കുന്നു എന്നു വിലയിരുത്തിയാണ് നിശ്ചിത പരിധിയില് കുറഞ്ഞ പ്ലാസ്റ്റിക് ബാഗുകള്ക്ക് നിരോധനം ഏര്പ്പെടുത്തിയിരുന്നത്.
