25 കോടി വരുന്ന സുത്തുവകകള് വ്യാജ രേഖ ഉപയോഗിച്ച് തട്ടിയെടുക്കപ്പെട്ടെന്ന പരാതിയുമായി കമലഹാസന്റെ മുൻ ഭാര്യയും നടിയുമായ ഗൗതമി. ശ്രീപെരുംപുതൂരില് ഉള്പ്പെടെ തമിഴ്നാട്ടിലെ വിവിധ ഭാഗങ്ങളിലായുള്ള ഭൂമിയാണ് തട്ടിയെടുക്കപ്പെട്ടതെന്നും താനും മകളും ഇപ്പോള് വധഭീഷണി നേരിടുകയാണെന്നും ഗൗതമി പരാതിയിൽ പറയുന്നു. ചെന്നൈ സെന്ട്രല് ക്രൈം ബ്രാഞ്ച് ആണ് കേസ് അന്വേഷിക്കുന്നത്
തന്റെ ആരോഗ്യസ്ഥിതിയും മകളുടെ പഠനം ഉള്പ്പെടെയുള്ള ചെലവുകളും മുന്നില്ക്കണ്ടാണ് സ്ഥലം വില്ക്കാനുള്ള തീരുമാനത്തില് എത്തിയതെന്ന് ഗൗതമി പരാതിയില് വിശദീകരിക്കുന്നു.സ്ഥലം വിറ്റുതരാമെന്ന് അറിയിച്ച് അഴകപ്പന് എന്ന കെട്ടിട നിര്മ്മാതാവും ഭാര്യയും തന്നെ സമീപിക്കുകയായിരുന്നെന്ന് ഗൗതമി പറയുന്നു. വിശ്വസനീയതയോടെ പെരുമാറിയിരുന്ന അവര്ക്ക് താന് പവര് ഓഫ് അറ്റോര്ണി നല്കുകയായിരുന്നുവെന്നും. എന്നാല് വ്യാജ രേഖകളും തന്റെ ഒപ്പും ഉപയോഗിച്ച് അവര് 25 കോടിയുടെ സ്വത്തുക്കള് തട്ടിയെടുത്തിരിക്കുനെന്നും ബാങ്ക് ഇടപാടുകള് പരിശോധിച്ചത് പ്രകാരം നാല് തരത്തിലുള്ള തട്ടിപ്പ് നടന്നിട്ടുണ്ടെന്ന് ഗൗതമി പറയുന്നു.
മകള് സുബ്ബുലക്ഷ്മിയെയും ഭീഷണിപ്പെടുത്തുകയാണെന്നും വധഭീഷണിയടക്കം ലഭിക്കുന്നുണ്ടെന്നും ഗൗതമി പറയുന്നു. ഇത് മകളുടെ പഠനത്തെയടക്കം സാരമായി ബാധിക്കുന്നുവെന്നും. വിഷയത്തില് ഇടപെട്ട് നഷ്ടപ്പെട്ട ഭൂമി തിരികെ വാങ്ങിനല്കാന് പൊലീസ് ഇടപെടണമെന്നും തട്ടിപ്പുകാരെ നിയമത്തിന് മുന്നില് എത്തിക്കണമെന്നുമാണ് ഗൗതമി ആവശ്യപ്പെട്ടിരിക്കുന്നത്.
