ചണ്ഡീഗഡ്: പഞ്ചാബില് അമരീന്ദര് സിംഗിന് പകരക്കാരനായി ചരണ്ജിത്ത് സിംഗ് മുഖ്യമന്ത്രിയാകും. അമരീന്ദര് സിംഗ് സര്ക്കാരില് സാങ്കേതിക വിദ്യാഭ്യാസ മന്ത്രിയായിരുന്നു 58കാരനായ ചന്നി. ചംകൗര് സാഹെബ് മണ്ഡലത്തിലെ എംഎല്എയായ അദ്ദേഹം സംസ്ഥാനത്തെ മുഖ്യമന്ത്രിയാകുന്ന ആദ്യ ദളിത് നേതാവാണ്.
സിഖ് ദളിതായ ചരണ്ജിത്തിനെ മുഖ്യമന്ത്രിയാക്കിയത് കോണ്ഗ്രസില് നിന്നുള്ള മികച്ച നീക്കം കൂടിയാണ്. സംസ്ഥാന ജനസംഖ്യയില് 33 ശതമാനത്തോളം ഈ വിഭാഗമാണ്. അവസാന നിമിഷം മാത്രമാണ് സാധ്യതയുള്ളവരുടെ പട്ടികയില് പോലും ചരണ്ജിത്തിനെ കോണ്ഗ്രസ് ഉള്പ്പെടുത്തിയത്.
പഞ്ചാബ് കോണ്ഗ്രസ് അദ്ധ്യക്ഷന് നവ്ജ്യോത് സിംഗ് സിദ്ദുവിനെയോ, മുന് പിസിസി അദ്ധ്യക്ഷന് സുനില് ജഘറോ മുഖ്യമന്ത്രിയാകുമെന്ന് ആദ്യഘട്ട ആലോചന നടന്നു. പിന്നീട് വനിതാ മുഖ്യമന്ത്രിയാകും സംസ്ഥാനത്തുണ്ടാകുക എന്ന് വാര്ത്തകളുണ്ടായിരുന്നു. മുതിര്ന്ന കോണ്ഗ്രസ് നേതാവ് അംബികാ സോണിയുടെ പേരാണ് ഉയര്ന്നുകേട്ടത്. എന്നാല് അംബികാ സോണി സ്ഥാനം ഏറ്റെടുക്കാന് വിമുഖത പ്രകടിപ്പിച്ചു.
