ഗണപതിയും മിത്ത് വിവാദവും കേരളക്കരയാകെ അലയടിക്കുകയാണ്. ഇതുമായി ബന്ധപ്പെട്ട് രാഷ്ട്രീയക്കാര്ക്കുപരി സിനിമാക്കാരും ഇപ്പോള് പ്രതികരിച്ചു തുടങ്ങിയിരിക്കുന്നു.അവസാനമായി നടി അനുശ്രീയും ഇപ്പോള് ഇതുമായി ബന്ധപ്പെട്ട തന്റെ പ്രതികരണം അറിയിച്ചിരിക്കുകയാണ്.
ഗണപതി മിത്താണെന്നും പറഞ്ഞാല് സഹിക്കുമോയെന്ന് അനുശ്രീ ചോദിക്കുന്നു.ഒറ്റപ്പാലത്ത് ഗണേശോത്സവത്തോടനുബന്ധിച്ച് നടന്ന പൊതുസമ്മേളനത്തില് സംസാരിക്കുകയായിരുന്നു നടി. സ്പീക്കര് എ എന് ഷംസീറിന്റെ ‘മിത്ത്’ പരാമര്ശവുമായി ബന്ധപ്പെട്ട വിവാദത്തിനിടെയാണ് നടി അനുശ്രീയുടെ പ്രതികരണം.
ആരോ എവിടെയോ ഇരുന്ന് പറയുന്നു ഗണപതി ഒക്കെ കെട്ടുകഥയാണ്, ഗണപതി മിത്താണ്. നമ്മള് സഹിക്കുമോ?സഹിക്കില്ല. അണ്ണാറക്കണ്ണനും തന്നാലായത് എന്നു പറഞ്ഞതുപോലെ എന്റെ പ്രതിഷേധം, പ്രതികരണം അറിയിക്കാനുള്ള ഒരു സദസ്സായി, ഗണപതി എനിക്ക് അനുഗ്രഹിച്ചുതന്ന സദസ്സായി ഈ സദസ്സിനെ കാണുന്നു. ക്ഷണം ചോദിച്ചാണ് ഇങ്ങോട്ടു വന്നത്. ആദ്യമായിട്ടാണ് അങ്ങോട്ട് ക്ഷണം ചോദിച്ച് ഒരു പരിപാടിയില് പങ്കെടുക്കുന്നത്” അനുശ്രീ പ്രസംഗത്തില് പറയുന്നു.
നേരത്തെ സ്പീക്കര് എ. എന് ഷംസീര് നടത്തിയ മിത്ത് പരാമര്ശവുമായി ബന്ധപ്പെട്ട് പ്രതികരണവുമായി നടന് ഉണ്ണി മുകുന്ദന് രംഗത്ത് എത്തിയിരുന്നു. ഇന്ന് ഗണപതി മിത്താണെന്ന് പറഞ്ഞവര് നാളെ കൃഷ്ണനും മറ്റന്നാള് ശിവനും മിത്തെന്ന് പറയുമെന്നും അവസാനം നിങ്ങള് തന്നെയും മിത്താണെന്ന് പറയുന്ന സ്ഥിതി വരുമെന്നുമായിരുന്നു ഉണ്ണി മുകുന്ദന്റെ വാക്കുകള്. മറ്റ് മതങ്ങളിലെ വിശ്വാസത്തേയും ആചാരത്തേയും ദൈവങ്ങളേയും കുറിച്ച് പറയാന് പോലും ആര്ക്കും ധൈര്യമില്ല.
ആചാരങ്ങളും അനുഷ്ടാനങ്ങളും സംരക്ഷിക്കുന്നതിനുവേണ്ടി സംസാരിക്കാന് മടിച്ച് നില്ക്കരുതെന്നും കൊട്ടാരക്കര ഗണപതി ക്ഷേത്രത്തില് വിനായക ചതുര്ത്ഥി ആഘഷത്തില് പങ്കെടുത്ത് ഉണ്ണി മുകുന്ദന് പറഞ്ഞത്.
മലയാളി പ്രേക്ഷകരുടെ പ്രിയപ്പെട്ട ഒരു താരമാണ് അനുശ്രീ. സാമൂഹ്യ മാധ്യമങ്ങളിലുടെ സജീവമായി ഇടപെടുന്ന താരമാണ് അനുശ്രീ. അനുശ്രീ പങ്കുവയ്ക്കുന്ന ഫോട്ടോഷൂട്ട് ചിത്രങ്ങള് ഓണ്ലൈനില് തരംഗമായി മാറാറുണ്ട്.
താര’ എന്ന ഒരു ചിത്രമാണ് ഇനി അനുശ്രീയുടേതായി പ്രദര്ശനത്തിന് എത്താനുള്ളത്. ദെസ്വിന് പ്രേം ആണ് സംവിധാനം ചെയ്യുന്നത്. ചിത്രം പോസ്റ്റ് പ്രൊഡക്ഷന് ഘട്ടത്തിലാണ്.നായികയായ അനുശ്രീയുടെ കഥാപാത്രത്തെ കേന്ദ്രീകരിച്ചിട്ടുള്ള ചിത്രമാണ് ‘താര’ എന്നാണ് റിപ്പോര്ട്ടുകള് സൂചിപ്പിക്കുന്നത്. ദെസ്വിന് പ്രേമിന്റേതാണ് ചിത്രത്തിന്റെ കഥയും.
ബിനീഷ് പുതുപ്പണമാണ് ചിത്രത്തിന്റെ ഗാനരചന നിര്വഹിച്ചിരിക്കുന്നത്. ജെബിന് ജെ ബി പ്രഭ ജോസഫാണ് ‘താരട നിര്മിക്കുന്നത്. സമീര് പി എം ആണ് എക്സിക്യുട്ടീവ് പ്രൊഡ്യൂസര്. അന്റോണിയോ മോഷന് പിക്ചേഴ്സ്, ക്ലോസ് ഷോട് എന്റര്ടെയ്ന്മെന്റ്സ്, സമീര് മൂവീസ് എന്നീ ബാനറിലാണ് ‘താര’ എന്ന ചിത്രത്തിന്റെ നിര്മാണം.
