ലഖ്നൗ: ഉത്തര്പ്രദേശ് മുന് മുഖ്യമന്ത്രിയും ബി.ജെ.പി. നേതാവുമായ കല്യാണ് സിങ് (89) അന്തരിച്ചു. ലഖ്നൗവിലെ സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലായിരുന്നു അന്ത്യം. രക്തത്തിലെ അണുബാധ, മറ്റ് വാര്ധക്യസഹജമായ ആരോഗ്യ പ്രശ്നങ്ങള് എന്നിവയെ തുടര്ന്ന് ജൂലൈ നാലിനാണ് അദ്ദേഹത്തെ ആശുപത്രിയില് പ്രവേശിപ്പിച്ചു. വെള്ളിയാഴ്ച ആരോഗ്യനില മോശമായതിനെ തുടര്ന്ന് ഡയാലിസിസിന് വിധേയനാക്കിയിരുന്നു.
രണ്ടുതവണ ഉത്തര് പ്രദേശിന്റെ മുഖ്യമന്ത്രിയായിട്ടുണ്ട്. 1991 ജൂണ് മുതല് 1992 ഡിസംബര് വരെയും 1997 സെപ്റ്റംബര് മുതല് 1999 നവംബര് വരെയുമാണ് യു.പി. മുഖ്യമന്ത്രിയായിരുന്നത്. ബാബ്റി മസ്ജിദ് തകര്ക്കപ്പെട്ട സമയത്ത് കല്യാണ് സിങ് ആയിരുന്നു സംസ്ഥാന മുഖ്യമന്ത്രി.2014 മുതല് 2019 വരെ രാജസ്ഥാന്റെ ഗവര്ണര് പദവിയും കല്യാണ് സിങ് വഹിച്ചിട്ടുണ്ട്.
