നടി കവിയൂർ പൊന്നമ്മയുടെ വിയോഗത്തിൽ സിനിമ താരങ്ങൾ അനുശോചനം അറിയിച്ചു കൊണ്ട് നിരവധി പോസ്റ്റുകളാണ് പങ്കുവെയ്ക്കുന്നത്. സിനിമാ-സാംസ്കാരിക-രാഷ്ട്രീയ മേഖലകളിൽ നിന്നുള്ളവരെല്ലാം നടിയെ അനുസ്മരിച്ച് രംഗത്തെത്തിയിട്ടുണ്ട്. ഇപ്പോഴിതാ നടി മഞ്ജു വാര്യരും അനുശോചന കുറിപ്പ് പങ്കിട്ടിരിക്കുകയാണ്. അമ്മമാര് പോകുമ്പോള് മക്കള് അനാഥാരാകും, അത്തരം ഒരു അനാഥത്വമാണ് മലയാളസിനിമയും ഈ നിമിഷം അനുഭവിക്കുന്നതെന്ന് മഞ്ജു കുറിച്ചു. മലയാളസിനിമയില് അമ്മയെന്നാല് പൊന്നമ്മച്ചേച്ചിയാണ്. ചേച്ചിയുടെ മക്കളായി അഭിനയിക്കാത്തവര് അപൂര്വം. അതിലൊരാളാണ് താൻ എന്ന സങ്കടവും നടി പങ്കുവെച്ചു.
മഞ്ജുവിന്റെ വാക്കുകൾ ഇങ്ങനെയായിരുന്നു ‘ഞാന് പലപ്പോഴും ഓര്ത്ത് സങ്കടപ്പെട്ടൊരു കാര്യമുണ്ട്. സിനിമയില് കവിയൂര് പൊന്നമ്മച്ചേച്ചിയുടെ മകളായി ഒരു സിനിമയില്പ്പോലും അഭിനയിക്കാനായിട്ടില്ല. മലയാളസിനിമയില് അമ്മയെന്നാല് പൊന്നമ്മച്ചേച്ചിയാണ്. ചേച്ചിയുടെ മക്കളായി അഭിനയിക്കാത്തവര് അപൂര്വം. അതിലൊരാളാണ് ഞാന്. സിനിമയില് എനിക്ക് പിറക്കാതെ പോയ അമ്മയാണ് പൊന്നമ്മച്ചേച്ചി! അതുകൊണ്ടുതന്നെ എന്റെ ഓര്മയില് ഞങ്ങളൊരുമിച്ചുള്ള രംഗങ്ങളില്ല. പക്ഷേ പലയിടങ്ങളില് വച്ചുള്ള കൂടിക്കാഴ്ചകളില് ഞാന് ആ അമ്മ മനസ്സിലെ സ്നേഹം അടുത്തറിഞ്ഞു.
