തിരുവനന്തപുരം: നെയ്യാര്‍ഡാം റിസര്‍വോയറിന് സമീപം ബൈക്ക് റേസിംഗിനിടെ ഉണ്ടായ അപകടത്തില്‍ യുവാവിന് ഗുരുതര പരിക്ക്. യുവാക്കള്‍ ബൈക്ക് റേസിംഗ് നടത്തവെ അതുവഴി വന്ന നാട്ടുകാരില്‍ ഒരാളുടെ ബുള്ളറ്റുമായി ഇടിക്കുകയായിരുന്നു. അപകടത്തില്‍ യുവാവിന്റെ കാല് ഒടിഞ്ഞു തൂങ്ങി.
വട്ടിയൂര്‍ക്കാവ് സ്വദേശിയായ ഉണ്ണികൃഷ്ണനാണ് പരിക്കേറ്റത്. സംഭവത്തിന്റെ ദൃശ്യങ്ങളില്‍ നാട്ടുകാരുടെ മര്‍ദ്ദനവും ഇവര്‍ക്ക് ഏല്‍ക്കുന്നത് കാണാം. ഉണ്ണികൃഷ്ണന്‍ ആശുപത്രിയില്‍ ചികിത്സയിലാണ്.
മൂന്ന് ബൈക്കുകളിലായി ഏഴു യുവാക്കളാണ് റേസിംഗ് നടത്തിയതെന്നാണ് സൂചന. നെയ്യാര്‍ഡാം റിസര്‍വോയര്‍ പ്രദേശത്ത് സ്ഥിരമായി ബൈക്ക് റേസിംഗ് നടക്കാറുണ്ടെന്ന് നാട്ടുകാര്‍ നിരന്തരം പരാതിപെട്ടിട്ടും പൊലീസ് ഒരു നടപടിയും സ്വീകരിച്ചിട്ടില്ലെന്നാണ് ആരോപണം. ആറുമാസത്തിനിടെ ഇത് മൂന്നാം തവണയാണ് സമാനരീതിയില്‍ ഉള്ള അപകടമുണ്ടാകുന്നതെന്നാണ് നാട്ടുകാര്‍ പറയുന്നത്.
