തിരുവനന്തപുരം: കര്‍മശക്തി കലാജ്യോതി പുരസ്കാരം ആർട്ടിസ്റ്റ് ഗീത് കാർത്തികയ്ക്ക്. കര്‍മശക്തി ദിനപത്രത്തിന്റെ 15 ാം വാര്‍ഷികാഘോഷത്തോട് അനുബന്ധിച്ച് സംഘടിപ്പിച്ച കര്‍മോത്സവം 2024 എന്ന പരിപാടിയില്‍ അഡ്വ. വി കെ പ്രശാന്ത് എംഎല്‍എ പുരസ്കാരം നല്‍കി ആദരിച്ചു.
വരകളിലൂടെ വർണ്ണങ്ങളിലൂടെയും ചിത്രകല ലോകത്ത് മായാജാലങ്ങൾ സൃഷ്ടിച്ച പ്രതിഭ. ഇന്ത്യയ്ക്കകത്തും പുറത്തുമായി ഒട്ടേറെ വേദികളിൽ തന്റെ പെയിന്റിംഗ് എക്സിബിഷൻ സംഘടിപ്പിച്ച വ്യക്തിയാണ്‌ ഗീത് കാർത്തിക.
ഭാഷാ ഇന്‍സ്റ്റിറ്റ്യൂട്ട് മുന്‍ ഡയറക്ടറും കര്‍മശക്തി, സക്‌സസ് കേരള രക്ഷാധികാരി ഡോ. എം ആര്‍ തമ്പാന്‍, ചലച്ചിത്ര നടിയും ജീവകാരുണ്യ പ്രവര്‍ത്തകയുമായ സോണിയ മല്‍ഹാര്‍, സിനി ആര്‍ട്ടിസ്റ്റ് രമ്യ മനോജ്, നാടന്‍ പാട്ട് കലാകാരന്‍ പ്രകാശ് വളളംകുളം, സാമൂഹ്യ പ്രവര്‍ത്തകനും സംരംഭകനുമായ ജോൺസൺ ജോസഫ്, സോഷ്യൽ മീഡിയ ഇൻഫ്ലുവൻസർ ദമ്പതികളായ വിനു ശീതള്‍ എന്നിവര്‍ പരിപാടിയില്‍ പങ്കെടുത്തു.
