കഴിഞ്ഞ അഞ്ച് വര്‍ഷത്തിനിടെ രാജ്യത്തെ ബാങ്കുകള്‍ ഉപഭോക്താക്കളുടെ ‘പോക്കറ്റടിച്ച്’ നേടിയത് 35,000 കോടി രൂപ. മിനിമം ബാലന്‍സ് സൂക്ഷിക്കാത്തതിനും നിശ്ചയിച്ച പരിധി കഴിഞ്ഞുള്ള എ.ടി.എം ഉപയോഗത്തിനുമടക്കം ഉപഭോക്താക്കളെ ഊറ്റിയ കണക്കാണിത്.
പണമിടപാടുകള്‍ നടന്നെന്ന വിവരമറിയിക്കാന്‍ വേണ്ടി എസ്.എം.എസ് അയച്ച വകയില്‍ മാത്രം ‘കവര്‍ന്നതാ’കട്ടെ 6254 കോടിയാണ്.എസ്.എം.എസ് അയച്ച വകയില്‍ 18 രൂപയും 20 രൂപയും വെച്ച് അക്കൗണ്ടില്‍നിന്ന് പണം പിടിച്ചെന്ന സന്ദേശമെത്താറുണ്ടെങ്കിലും അധികമാരും കാര്യമാക്കാറില്ല. ഈ തുകയാണ് കോടികളുടെ വരുമാനമായി ബാങ്കുകളുടെ അക്കൗണ്ടിലെത്തുന്നത്. മിനിമം ബാലന്‍സ് അക്കൗണ്ടില്‍ സൂക്ഷിക്കാത്തതിന് പൊതുമേഖല ബാങ്കുകളും അഞ്ച് സ്വകാര്യ ബാങ്കുകളും ഉപഭോക്താക്കളില്‍നിന്ന് ഈടാക്കിയത് 21,000 കോടിയാണ്. സേവിങ് ബാങ്ക്‌സ് ഉടമകള്‍ അക്കൗണ്ടില്‍ നിലനിര്‍ത്തേണ്ട ഏറ്റവും കുറഞ്ഞ തുക (മിനിമം ബാലന്‍സ് ) നഗര-ഗ്രാമങ്ങള്‍ക്കനുസരിച്ച് വ്യത്യാസപ്പെടും. ഇത്തരത്തില്‍ നിശ്ചിത പരിധിക്ക് താഴേക്ക് പോയതിനുള്ള ‘പിഴയായി’ ഈടാക്കിയതാണ് 21000 കോടി.
മിനിമം ബാലന്‍സ് പരിധിയില്‍നിന്ന് താഴേക്ക് പോയാല്‍ 400 മുതല്‍ 500 രൂപവരെ ബാങ്കുകള്‍ പിഴയായി ഈടാക്കുന്നുണ്ട്. ചില സ്വകാര്യ ബാങ്കുകളാകട്ടെ മിനിമം ബാലന്‍സ് പരിധിക്ക് താഴേക്കുക്കുള്ള ഓരോ ഇടപാടുകള്‍ക്കും 100 രൂപയോളം പിഴയും ചുമത്തുന്നുണ്ട്.
എ.ടി.എമ്മുകളില്‍നിന്ന് പണം സൗജന്യമായി പിന്‍വലിക്കാന്‍ അനുവദിച്ചുള്ള പരിധി കടന്നതിന്റെ പേരില്‍ ഈടാക്കിയത് 8000 കോടിയാണ്.ബാലന്‍സ് പരിശോധന അടക്കം ഇടപാടായി കണക്കാക്കുകയാണ് ഇവിടെ.പ്രൊസസ് ചാര്‍ജ് എന്ന പേരില്‍ സ്വര്‍ണപ്പണയത്തിനടക്കം 600ഉം 700 ഉം സര്‍വിസ് ചാര്‍ജും ഉണ്ടാക്കുന്നുണ്ട്. ഇതും പോരാഞ്ഞ് ജനകീയ സംവിധാനമായ യു.പി.എ ഇടപാടുകള്‍ക്കും സര്‍വിസ് ചാര്‍ജ് ഈടാക്കണമെന്നാണ് ബാങ്കുകളുടെ ഇപ്പോഴത്തെ ആവശ്യം.
അതേ സമയം ഇന്ത്യയുടെ സാമ്ബത്തിക മേഖലയില്‍ വീണ്ടും കുതിച്ചുചാട്ടം. മുഖ്യ വ്യവസായ മേഖലയില്‍ ഗണ്യമായ വളര്‍ച്ചയാണ് ഇത്തവണ രേഖപ്പെടുത്തിയത്. കേന്ദ്ര വാണിജ്യ മന്ത്രാലയം ഏറ്റവും പുതിയ റിപ്പോര്‍ട്ട് അനുസരിച്ച്, ജൂലൈ മാസത്തില്‍ മുഖ്യ വ്യവസായ മേഖല 8 ശതമാനം വളര്‍ച്ച കൈവരിച്ചിട്ടുണ്ട്. മുന്‍ വര്‍ഷം സമാന കാലയളവില്‍ 4.8 ശതമാനം മാത്രമായിരുന്നു വളര്‍ച്ച. ഇന്ത്യയുടെ വ്യവസായിക ഉല്‍പ്പാദന സൂചികയില്‍ 40.27 ശതമാനം പങ്കുവഹിക്കുന്നത് മുഖ്യ വ്യവസായ മേഖലയാണ്. അതിനാല്‍, മുഖ്യ വ്യവസായ മേഖലയുടെ വളര്‍ച്ച ഇന്ത്യയുടെ സാമ്ബത്തിക മേഖല കൂടുതല്‍ ദൃഢമാകുന്നതിന്റെ സൂചനയാണ് നല്‍കുന്നത്.കല്‍ക്കരി, സ്റ്റീല്‍, പ്രകൃതി വാതകം, സിമന്റ്, വൈദ്യുതി, റിഫൈനറി ഉല്‍പ്പന്നങ്ങള്‍, വളം, ക്രൂഡോയില്‍ എന്നിങ്ങനെ 8 പ്രധാന വിഭാഗങ്ങളാണ് മുഖ്യ വ്യവസായ മേഖലയില്‍ ഉള്ളത്. ഈ മേഖലകള്‍ എല്ലാം ജൂലൈയില്‍ മികച്ച പ്രകടനം തന്നെ കാഴ്ചവെച്ചിട്ടുണ്ട്.
