തിരുവനന്തപുരം: അഭിപ്രായം പറഞ്ഞാല് തല്ലികൊല്ലുന്ന പാര്ട്ടിയല്ല കോണ്ഗ്രസ്, അഭിപ്രായ വ്യത്യാസങ്ങള് സ്വാഭാവികമാണ്. എന്നാല്, പാര്ട്ടിയാണ് മുഖ്യമെന്ന് എ.ഐ.സി.സി ജനറല് സെക്രട്ടറി കെ.സി വേണുഗോപാല്. ഡി.സി.സി അധ്യക്ഷപട്ടിക അന്തിമമാണെന്നും ഇനി മാറ്റമില്ലെന്നും അദ്ദേഹം വ്യക്തമാക്കി.
അഭിപ്രായ വ്യത്യാസങ്ങള് സ്വാഭാവികമാണ്. എന്നാല്, പാര്ട്ടിയാണ് മുഖ്യം. അഭിപ്രായം പറഞ്ഞാല് തല്ലികൊല്ലുന്ന പാര്ട്ടിയല്ല കോണ്ഗ്രസ്. സംഘടനാപരമായ കാര്യങ്ങളില് നേതാക്കളുടെ അഭിപ്രായം തേടുമെന്നും കെ.സി വേണുഗോപാല് കൂട്ടിച്ചേര്ത്തു. വിമര്ശനങ്ങള്ക്ക് സ്വയം ലക്ഷ്മണരേഖ വേണം. എല്ലാവരുടേയും അഭിപ്രായങ്ങള് കെ. സുധാകരന് വിശ്വാസത്തിലെടുക്കുമെന്നും ഡി.സി.സി ഓഫീസ് ഉദ്ഘാടനച്ചടങ്ങില് സംസാരിക്കവെ കെ. സി വേണുഗോപാല് വ്യക്തമാക്കിയിരുന്നു.
തനിക്ക് ഗ്രൂപ്പില്ല, തന്റെ ഗ്രൂപ്പ് കോണ്ഗ്രസാണെന്നും അദ്ദേഹം പറഞ്ഞു. ഉമ്മന്ചാണ്ടിക്ക് മാനസിക വിഷമമുണ്ടാക്കുന്ന ഒന്നും ചെയ്യില്ലെന്നും അദ്ദേഹം വ്യക്തമാക്കി. കണ്ണൂര് ഡി.സി.സി ഓഫീസ് ഉദ്ഘാടനച്ചടങ്ങില് ഉമ്മന് ചാണ്ടിയും രമേശ് ചെന്നിത്തലയും നേരിട്ട് പങ്കെടുക്കാന് പറ്റില്ലെന്ന് നേരത്തെ അറിയിച്ചിരുന്നതായും വേണുഗോപാല് പറഞ്ഞു.
