അടുത്തിടെയാണ് നടി നവ്യ നായര്‍ കൊച്ചിയില്‍ ‘മാതംഗി’ എന്ന നൃത്തവിദ്യാലയം ആരംഭിച്ചത്. എന്നാൽ ഏറെ പ്രശ്നങ്ങളിലൂടെയാണ് ഇങ്ങനെയൊരു പ്രസ്താനം തുടങ്ങിയത്. നവ്യ നായരുടെ വീടിന്റെ മുകളിലെ നിലയിലാണ് നൃത്ത വിദ്യാലയം ആരംഭിച്ചത്. എന്നാല്‍ തന്റെ ഈ സ്വപ്‌നം യാഥാര്‍ഥ്യമാകുന്നതിനിടെ കോടതിയുടെ സ്റ്റേ അടക്കം പലതും നേരിടേണ്ടി വന്നിട്ടുണ്ടെന്ന് വെളിപ്പെടുത്തിയിരിക്കുകയാണ് നവ്യ. തന്റെ യൂട്യൂബ് ചാനലിലൂടെയാണ് നവ്യ ഇക്കാര്യം തുറന്നു പറഞ്ഞിരിക്കുന്നത്.
നൃത്ത വിദ്യാലയം ആരംഭിക്കാന്‍ പദ്ധതി ഇട്ടപ്പോഴെ, നാട്ടില്‍ നിന്നും കഴിയുന്നത്ര പേര്‍ വരട്ടെ എന്ന് കരുതി ആ വിവരം എല്ലാവരോടുമായി പറഞ്ഞു. ഇവിടെ ഒരു അസോസിയേഷനൊക്കെ ഉണ്ട്. സാധാരണ നൃത്ത വിദ്യാലയം വരുന്നത് എല്ലാവർക്കും സന്തോഷമുണ്ടാക്കുകയാണ് ചെയ്യുക. എന്നാല്‍ പ്രതീക്ഷിച്ച പ്രതികരണം കിട്ടിയില്ല. മാത്രമല്ല, അപ്രതീക്ഷിതമായി പലതും സംഭവിക്കുകയും ചെയ്തു.
ആ മേഖലയിലെ താമസക്കാര്‍ പലരും മുതിര്‍ന്ന പൗരന്മാരാണെന്നും, അവരുടെ സ്വൈര്യ ജീവിതത്തിന് വിലങ്ങുതടിയായി നൃത്ത വിദ്യാലയം മാറാന്‍ സാധ്യതയുണ്ട് എന്നും ആരോപിച്ച് നാട്ടുകാര്‍ സ്റ്റേ ഓര്‍ഡര്‍ വാങ്ങി. പക്ഷേ അപ്പോഴേക്കും പണിയൊക്കെ തുടങ്ങി കഴിഞ്ഞിരുന്നു. മാതംഗി ഇവിടെ വരാൻ പാടില്ല എന്നതായിരുന്നു അവരുടെ ആവശ്യം.
പ്ലോട്ടിന്റെ മറ്റൊരു വശത്ത് കൂടി പോകുന്ന റോഡിലേക്ക് വീടിന്റെ ദിശമാറ്റിയാണ് പ്രശ്‌നം പരിഹരിച്ചത്. ഇന്നും ആര്‍ക്കും ഒരു ശല്യമുണ്ടാകാതെ മാതംഗി പ്രവര്‍ത്തിക്കുന്നുണ്ട്. പുറകിൽ കൂടി മറ്റൊരു ചെറിയ ഗേറ്റ് കൂടി വച്ചോട്ടെ എന്ന് ചോദിച്ചിട്ടും പോലും ഇവർ സമ്മതിച്ചില്ല. ഇതൊന്നും എല്ലാവരുമല്ല. ചില സ്ഥാപിത താൽപര്യമുള്ളവരാണ് അതുപോലെ പെരുമാറുന്നത്. പത്താം ക്ലാസിൽ പഠിക്കുമ്പോഴായിരുന്നു ഇഷ്ടം എന്ന സിനിമ‌യിലൂടെയാണ് നവ്യ അരങ്ങേറ്റം കുറിച്ചത്. വിവാഹശേഷം അഭിനയത്തിൽ നിന്ന് വിട്ട് നിൽക്കുകയായിരുന്നു എന്നാൽ ഇടവേളക്ക് ശേഷം വീണ്ടും അഭിനയത്തിലും നൃത്തതിലും സജീവമായിരിക്കുകയാണ് താരം.
