തലസ്ഥാനത്ത് രണ്ടു വയസ്സുകാരിയെ തട്ടിക്കൊണ്ടുപോയ സംഭവത്തിൽ സിസിടി ദൃശ്യം കേന്ദ്രീകരിച്ച് അന്വേഷണം നടത്തി പോലീസ്. രാത്രി 12 മണിക്ക് ശേഷം രണ്ടുപേർ ബൈക്കിൽ പോകുന്നത് ദൃശ്യങ്ങളിൽ കാണാൻ കഴിയുന്നുണ്ട്.അവർക്കിടയിൽ കുട്ടി ഉള്ളതായാണ് സംശയം. മുട്ടത്തറ ഈഞ്ചക്കൽ റോഡിൽ നിന്നാണ് ദൃശ്യങ്ങൾ ലഭിച്ചത്.
ബൈക്കിൽ കുട്ടിയെ തട്ടിക്കൊണ്ടുപോകുന്നത് കണ്ടു എന്ന് സംശയം പ്രകടിപ്പിച്ച യുവാവിനെ സ്റ്റേഷനിൽ എത്തിച്ചു. രാത്രി 12 30ന് ഭക്ഷണം കഴിക്കാൻ ഇറങ്ങിയപ്പോൾ രണ്ടു പുരുഷന്മാർ സ്കൂട്ടറിൽ കൂട്ടിയെ കൊണ്ടുപോകുന്നത് കണ്ടെന്നാണ് ഇയാൾ പോലീസിനെ അറിയിച്ചത്. കുട്ടി കാണാതായിട്ട് 12 മണിക്കൂർ പിന്നിട്ടിരിക്കുകയാണ്. കുട്ടിക്ക് വേണ്ടിയുള്ള തിരിച്ചിലാണ് പോലീസും നാട്ടുകാരും.
