വ്യവസായ വകുപ്പിന്റെ സൂക്ഷ്മ-ചെറുകിട-ഇടത്തരം സംരംഭക അവാർഡുകൾ പ്രഖ്യാപിച്ചു. വ്യവസായ വകുപ്പ് മന്ത്രി പി. രാജീവാണ് അവാർഡുകൾ പ്രഖ്യാപിച്ചത്. സംസ്ഥാനത്തെ മികച്ച സംരംഭങ്ങൾക്ക് നൽകുന്ന അവാർഡുകൾക്കൊപ്പം ജില്ലാ വ്യവസായ കേന്ദ്രങ്ങൾക്കും തദ്ദേശ സ്വയംഭരണ സ്ഥാപനങ്ങൾക്കും അവാർഡുകൾ നൽകി. 14 സൂക്ഷ്മ സംരംഭങ്ങളും 12 ചെറുകിട സംരംഭങ്ങളും 10 ഇടത്തരം സംരംഭങ്ങളും ഒരു വൻകിട സംരംഭവുമാണ് അവാർഡിന് അർഹരായത്. 13 വനിതാ സംരംഭകരും ഒരു പട്ടികജാതി വിഭാഗത്തിൽ നിന്നുള്ള സംരംഭകനും 8 കയറ്റുമതി സംരംഭങ്ങളും ഒരു ഉത്പാദന സ്റ്റാർട്ടപ്പും അവാർഡിന് അർഹരായി. ഇതോടൊപ്പം വ്യവസായ വികസന പ്രവർത്തനങ്ങളിൽ മികവ് തെളിയിച്ച 30 തദ്ദേശ സ്വയംഭരണ സ്ഥാപനങ്ങൾക്കും അവാർഡുണ്ട്.
മികച്ച പ്രകടനം കാഴ്ചവെച്ച ജില്ലാ വ്യവസായ കേന്ദ്രത്തിനുള്ള അവാർഡ് എറണാകുളം നേടി. തിരുവനന്തപുരം, കണ്ണർ ജില്ലകളാണ് രണ്ടും മൂന്നും സ്ഥാനത്ത് എത്തിയത്. 100 ശതമാനം ലക്ഷ്യം കൈവരിച്ച ജില്ലാ വ്യവസായ കേന്ദ്രത്തിനുള്ള അവാർഡ് വയനാടിനാണ്. മികവ് സംരംഭക വർഷത്തിലെ പ്രവർത്തനം, രൂപവത്‌കരണം, സംരംഭക എക്കോസിസ്റ്റം ശാക്തീകരിക്കുന്നതിലെ പ്രവർത്തനം എന്നിവ പരിഗണിച്ചാണ് അവാർഡ് ജേതാക്കളെ തിരഞ്ഞെടുത്തത്.
കല്യാണി ഫുഡ് പ്രോഡക്ട്സ് – എൻ. സുജിത്ത് (സൂക്ഷ്മ), മറൈൻ ഹൈഡ്രോകൊളോയിഡ്സ്- കുര്യൻ ജോസ് (ചെറുകിട), സൗപർണിക എക്സ്പോർട്‌സ്-വസന്തകുമാരൻ ഗോപാലപിള്ള ( ഇടത്തരം), എ.കെ. നാച്വറൽ ഇൻക്രീഡിയൻസ്- മനോജ് മാത്യു (വൻകിട), ഫീകോർ ഇലക്ട്രോണിക്സ്- എം. മണി (പട്ടികജാതി), സഞ്ജീവനി കുടുംബശ്രീ യൂണിറ്റ് – ഉമ്മു സൽമ (വനിതാ വിഭാഗം), മാൻ കങ്കോർ ഇൻക്രീഡിയൻസ് – ജീമോൻ കെ. കോരത്ത് (മികച്ച കയറ്റുമതി യൂണിറ്റ്), വർഷ്യാ എക്കോ സൊലൂഷൻസ് – നിതീഷ് സുന്ദരേഷൻ (ഉത്പാദന മേഖലയിലെ മികച്ച സ്റ്റാർട്ട് അപ്പ്) എന്നിവരാണ് അവാർഡ് നേടിയ ഉത്പാദന യൂണിറ്റുകൾ.
