പാലാ: പൈക സാമൂഹിക ആരോഗ്യകേന്ദ്രത്തിന് പുതുതായി നിര്‍മ്മിച്ച കെട്ടിടം ഇന്ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. മന്ത്രി വീണാ ജോര്‍ജ് അധ്യക്ഷത വഹിച്ചു. ശിലാഫലകം മാണി സി കാപ്പന്‍ എം എല്‍ എ അനാച്ഛാദനം ചെയ്തു. തോമസ് ചാഴികാടന്‍ എം പി മുഖ്യപ്രഭാഷണം നടത്തി.
ജില്ലാ പഞ്ചായത്ത് മെമ്പര്‍ ജോസ്‌മോന്‍ മുണ്ടയ്ക്കല്‍, എലിക്കുളം ഗ്രാമപഞ്ചായത്ത് പ്രസിഡന്റ് ഷാജി എസ്, പാമ്പാടി ബ്ലോക്ക് പഞ്ചായത്ത് വൈസ് പ്രസിഡന്റ് ജോമോള്‍ മാത്യു, സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ പ്രേമ ബിജു, ബ്ലോക്ക് പഞ്ചായത്ത് മെമ്പര്‍ ബെറ്റി റോയ്, എലിക്കുളം പഞ്ചായത്ത് വൈസ് പ്രസിഡന്റ് സില്‍വി വില്‍സണ്‍, സ്റ്റാന്റിംഗ് കമ്മിറ്റി ചെയര്‍മാന്‍ അഖില്‍ അപ്പുക്കുട്ടന്‍, പഞ്ചായത്ത് മെമ്പര്‍ സിനി റോയ്, മീനച്ചില്‍ ഗ്രാമ പഞ്ചായത്ത് പ്രസിഡന്റ് ജോയി കുഴിപ്പാല, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് ജോണി കുന്നപ്പള്ളില്‍, ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി രാജന്‍ ഘൊബ്രറെഡ്, ഹെല്‍ത്ത് സര്‍വ്വീസ് ഡയറക്ടര്‍ ഡോ രാജു വി ആര്‍, ഡി എം ഒ ഡോ ജേക്കബ് വര്‍ഗീസ്, പി എന്‍ വിദ്യാധരന്‍, ബി ഡി ഒ ലിബി സി മാത്യൂസ്, എലിക്കുളം പഞ്ചായത്ത് സെക്രട്ടറി സിബി ജോസ് കെ, പാമ്പാടി ബ്ലോക്ക് പഞ്ചായത്ത് പ്രസിഡന്റ് മറിയാമ്മ എബ്രാഹം, മെഡിക്കല്‍ ഓഫീസര്‍ ഡോ പദ്മരാജന്‍ ടി എ എന്നിവര്‍ പ്രസംഗിച്ചു.
പൈക സാമൂഹികാരോഗ്യ കേന്ദ്രത്തിന് 19.936 കോടി രൂപ മുടക്കിയാണ് പുതുതായി കെട്ടിടം നിര്‍മിച്ചത്. നമ്പാര്‍ഡിന്റെ സ്‌കീമില്‍പ്പെടുത്തി 2015 ലാണ് ഭരണാനുമതി ലഭ്യമായത്. അഞ്ചു നിലകളിലായി 7385 ച.മീ. വിസ്തീര്‍ണ്ണമുണ്ട്.
താഴത്തെ നിലയില്‍ ഓ പി കൗണ്ടര്‍, കാഷ്വാലറ്റി, ഫാര്‍മസി, എക്‌സ്‌റേ റൂം, ഡ്രസിംഗ് റൂം, ശുചി മുറികള്‍, ഒന്നാം നിലയില്‍ 6 ഒ പികള്‍, ഇ സി ജി റൂം, ലാബ്, ഓഫീസ് റൂം, ശുചി മുറികള്‍, രണ്ടാം നിലയില്‍ പുരുഷ വാര്‍ഡ്, വനിതാ വാര്‍ഡ് , നേഴ്‌സ് ഡ്യൂട്ടി റൂം, ഫിസിയോ തെറാപ്പി റൂം, വെയ്റ്റിംഗ് റൂം, ശുചി മുറികള്‍, മൂന്നാമത്തെ നിലയില്‍ വാക്‌സിനേഷന്‍ ഏരിയ, പബ്‌ളിക് ഹെല്‍ത്ത് ഏരിയ, സ്റ്റാഫ് ഓഫീസ്, പി ആര്‍ ഒ, കോണ്‍ഫ്രന്‍സ് ഹാള്‍, ഹെല്‍ത്ത് ഇന്‍സ്‌പെക്ടര്‍ റൂം എന്നിവയും ഉള്‍ക്കൊള്ളിച്ചിട്ടുണ്ട്. കെട്ടിടത്തില്‍ രണ്ടു ലിഫ്റ്റുകളും രണ്ട് സ്റ്റെയര്‍ കെയ്‌സുകളും ഉണ്ട്.
