കൊച്ചി: വീടുകളില്‍ വളര്‍ത്തുന്ന കന്നുകാലികള്‍ക്കും , ഓമനമൃഗങ്ങള്‍ക്കും ലൈസന്‍സ് എടുക്കണമെന്ന് ഹൈക്കോടതിയുടെ നിര്‍ദേശം. വളര്‍ത്തു മൃഗങ്ങളുടെ ഉടമകള്‍ ആറു മാസത്തിനകം തദ്ദേശ സ്ഥാപനങ്ങളില്‍ രജിസ്റ്റര്‍ ചെയ്യണം. തിരുവനന്തപുരം അടിമലത്തുറ ബീച്ചില്‍ ബ്രൂണോ എന്ന വളര്‍ത്തുനായയെ അടിച്ചു കൊന്ന സംഭവത്തെത്തുടര്‍ന്ന് ഹൈക്കോടതി സ്വമേധയാ എടുത്ത ഹര്‍ജിയിലാണ് ഉത്തരവ്.
ഇക്കാര്യത്തില്‍ സര്‍ക്കാര്‍ ഉടന്‍ നിര്‍ദേശം നല്‍കണം. ലൈസന്‍സ് എടുക്കണമെന്ന് വ്യക്തമാക്കി പഞ്ചായത്തുകളും നഗരസഭകളും നോട്ടീസിറക്കണം. വളര്‍ത്തുമൃഗങ്ങളെ വാങ്ങുന്നവര്‍ മൂന്നു മാസത്തിനകം ലൈസന്‍സ് എടുക്കണമെന്ന വ്യവസ്ഥ വേണമെന്നും നിര്‍ദേശിച്ചിട്ടുണ്ട്. .
