തിരുവനന്തപുരം: സെപ്റ്റംബര് 27ന് സംസ്ഥാനത്ത് ഹര്ത്താല്. 27 ന് നടത്തുന്ന ഭാരത് ബന്ദ് സംസ്ഥാനത്ത് ഹര്ത്താലായി ആചരിക്കാന് സംയുക്ത ട്രേഡ് യൂണിയന് സമിതി തീരുമാനിച്ചു. രാവിലെ ആറു മുതല് വൈകിട്ട് ആറ് വരെയാകും ഹര്ത്താല്. പത്രം, പാല്, ആംബുലന്സ്, മരുന്ന് വിതരണം, ആശുപത്രി സേവനം, വിവാഹം, രോഗികളുടെ സഞ്ചാരം, മറ്റ് അവശ്യ സര്വിസുകള് എന്നിവയെ ഹര്ത്താലില് നിന്ന് ഒഴിവാക്കി.
പത്ത്മാസമായി തുടരുന്ന കര്ഷക പ്രക്ഷോഭത്തിന് പരിഹാരം കാണാന് ശ്രമിക്കാത്ത കേന്ദ്ര സര്ക്കാര് നിലപാടിനെതിരെയാണ് ഭാരത് ബന്ദ് പ്രഖ്യാപിച്ചിരിക്കുന്നത്. ഹര്ത്താലിന്റെ ഭാഗമായി സ്ഥാനത്ത് 27ന് രാവിലെ എല്ലാ തെരുവുകളിലും പ്രതിഷേധ ശൃംഖല സംഘടിപ്പിക്കും. കൊവിഡ് പ്രോട്ടോക്കോള് പാലിച്ച് ആയിരിക്കും ഇത്. സെപ്റ്റംബര് 22 ന് പ്രധാന തെരുവുകളില് ജ്വാല തെളിയിച്ച് ഹര്ത്താല് വിളംബരം ചെയ്യും.
