ഇത്തവണ ഓണക്കിറ്റ് മഞ്ഞക്കാര്ഡ് ഉള്ളവര്ക്ക് മാത്രം. 5.84 ലക്ഷം പേര്ക്ക് ഓണക്കിറ്റ് നല്കാന് മന്ത്രിസഭാ യോഗത്തില് ധാരണയായി.
അനാഥാലയങ്ങള്ക്കും അഗതിമന്ദിരങ്ങള്ക്കും ഓണക്കിറ്റ് നല്കും.
അതേസമയം, കണ്സ്യൂമര്ഫെഡിന്റെ ഓണച്ചന്തകള്ക്ക് ഈ മാസം 19ന് തുടക്കമാകും. വിലക്കയറ്റം രൂക്ഷമായ സാഹചര്യത്തില് 13 ഇനം നിത്യോപയോഗ സാധനങ്ങള് സബ്സിഡി നിരക്കില് സാധാരണക്കാരന് കിട്ടുന്ന തരത്തിലാണ് ചന്തകള് ക്രമീകരിച്ചിരിക്കുന്നത്. തിരക്ക് ഒഴിവാക്കുന്നതിനുള്ള ക്രമീകരണങ്ങളും ചന്തകളില് ഏര്പ്പെടുത്തുമെന്ന് കണ്സ്യൂമര്ഫെഡ് അധികൃതര് അറിയിച്ചു.
പൊതുവിപണിയില് വിലക്കയറ്റം രൂക്ഷമായതിന് പുറമേ സപ്ലൈകോ ഔട്ട്ലെറ്റുകളില് സബ്സിഡി ഇനങ്ങള് കിട്ടാനില്ലെന്ന വ്യാപക പരാതി കൂടി ഉയരുമ്ബോഴാണ് കണ്സ്യൂമര്ഫെഡ് ഓണച്ചന്തകളുമായി എത്തുന്നത്. സംസ്ഥാന വ്യാപകമായി 1500 ഓണച്ചന്തകളാണ് ഈ മാസം 19 മുതല് പ്രവര്ത്തനം തുടങ്ങുക. സര്ക്കാര് സബ്സിഡിയോടെ 13 ഇനം നിത്യോപയോഗ സാധനങ്ങള് സപ്ലൈകോയിലെ അതേ വിലയില് സാധാരണക്കാരന് ലഭ്യമാകും.
