കൊണ്ടോട്ടി : ഒന്നര വയസ്സുള്ള മകളെ ഉപേക്ഷിച്ച് യുവതി ഒളിച്ചോടി. നീറാട് മൂളപ്പുറത്ത് റിയാസിന്റെ ഭാര്യ റഫ്ന(21)യാണ് കൈ കുഞ്ഞിനെ ഉപേക്ഷിച്ച് കടന്നു കളഞ്ഞത്. വ്യാഴാഴ്ച രാത്രി 12 മണിക്കും 2 മണിക്കും ഇടയിലായാണ് റഫ്നയെ കാണാതാകുന്നത്. രാത്രി 12 മണിക്ക് കിടക്കുന്നതുവരെ ഭാര്യ വീട്ടില്‍ ഉണ്ടായിരുന്നതായി റിയാസ് പറയുന്നു.
രണ്ട് മണിക്ക് കുഞ്ഞ് കരഞ്ഞപ്പോള്‍ ഭാര്യയെ വിളിച്ചുണര്‍ത്താന്‍ നോക്കിയപ്പോള്‍ കാണാനായില്ല. അടുക്കള വാതില്‍ ചാരിയിട്ടതായി കാണപ്പെട്ടു. കുഞ്ഞിന്റെ ആഭരണവും ഭാര്യയുടെ ആധാര്‍ കാര്‍ഡ്, തിരഞ്ഞെടുപ്പ് തിരിച്ചറിയല്‍ കാര്‍ഡ്, പി പി ടി ടി സി സര്‍ട്ടിഫിക്കറ്റ് തുടങ്ങിയവയെല്ലാം കൊണ്ടുപോയതായും വ്യക്തമായി.
റിയാസിന്റെ പരാതി പ്രകാരം പൊലീസ് കേസെടുത്തു അന്വേഷിച്ചു വരുന്നു. പ്രണയിച്ച് വിവാഹിതരായവരാണ് ഇവര്‍. റിയാസ് പെയിന്റിങ്ങ് തൊഴിലാളിയാണ്.
