രാജ്യത്ത് 5ജി നെറ്റ്വര്‍ക്ക് ലഭ്യമാകുന്നതിന്റെ ഭാഗമായുള്ള സ്‌പെക്ട്രം ലേലം മെയ് മാസം ആരംഭിക്കും. ദിവസങ്ങള്‍ക്കു മുന്‍പ് കേന്ദ്ര ടെലികോം മന്ത്രി അശ്വിനി വൈഷ്ണവ് ആണ് ലേലത്തിന്റെ കാര്യം വ്യക്തമാക്കിയത്.
ഇന്ത്യയിലെ പ്രധാന മൊബൈല്‍ സേവന ദാതാക്കളായ വി ഐ,എയര്‍ടെല്‍, ജിയോ തുടങ്ങിയ കമ്പനികള്‍ ലേലത്തില്‍ പങ്കെടുക്കും.ഇന്റര്‍നെറ്റ് മൊബൈല്‍ കോളിംഗ് സേവനങ്ങള്‍ക്ക് 5ജി നെറ്റ്വര്‍ക്ക് വന്നാല്‍ വലിയ രീതിയില്‍ തന്നെ മാറ്റമുണ്ടാകും. നിലവിലെ 4ജി നെറ്റ്വര്‍ക്കിന്റെ 10 ഇരട്ടിയോളമാണ് 5ജി ഇന്റര്‍നെറ്റിന്റെ വേഗത. നിരവധി കമ്പനികള്‍ ഇതിനോടകം തന്നെ 5ജി ഫോണുകള്‍ വിപണിയില്‍ എത്തിച്ചിട്ടുണ്ട്. 5ജി വരുന്നതോടെ വോയിസ് കോളുകള്‍ക്കും നല്ല വ്യക്തത ലഭിക്കും.മെയ് മാസത്തില്‍ തന്നെ ലേലം നടന്നാല്‍ 5ജി സേവനങ്ങള്‍ ഈ വര്‍ഷം തന്നെ ആരംഭിക്കാന്‍ കഴിയും.
