സംസ്ഥാനത്ത് വിലക്കയറ്റം രൂക്ഷമായിട്ടും സര്ക്കാര് വിപണിയിലിടപെടുന്നില്ലെന്ന് കോണ്ഗ്രസ് നേതാവ് രമേശ് ചെന്നിത്തല. നിത്യോപയോഗ സാധനങ്ങളുടെ വില വാനോളം കുതിച്ചുയരുമ്പോഴും വിലക്കയറ്റം പിടിച്ചുനിര്ത്താന് വിപണിയില് ഇടപെടാതെ സര്ക്കാര് ജനങ്ങളെ വഞ്ചിക്കുകയാണെ്. വന്വിലക്കയറ്റം സാധാരണക്കാരുടെ കുടുംബ ബജറ്റിന്റെ താളം തെറ്റിച്ചിട്ടും സര്ക്കാര് ഇടപെടാതെ മാറി നില്ക്കുന്നത് അംഗീകരിക്കാന് കഴിയില്ലെന്ന് ചെന്നിത്തല പറഞ്ഞു.
അടുത്തിടെയായി ഇരട്ടിയിലധികം വിലയാണ് സാധനങ്ങള്ക്ക് വര്ധിച്ചിരിക്കുന്നത്. അരിക്ക് മാത്രം പത്ത് മുതല് പതിനഞ്ച് രൂപ വരെയാണ് കൂടിയത്.
പച്ചക്കറികളുടെ വിലക്കയറ്റം ചിന്തിക്കാന് പോലും കഴിയാത്ത അവസ്ഥയിലാണ് 20 രൂപയുടെ തക്കാളി 100 കടന്നു ഇഞ്ചിയുടെ വില വാണം പോലെ കുതിക്കുകയാണ് ഉപ്പിന് മുതല് കര്പ്പൂരത്തിന് വരെ നാട്ടില് തീവിലയാണ് എങ്കിലും സര്ക്കാരിന്റെ ധൂര്ത്തിന് ഒരു കുറവുമില്ല. ലോക കേരള സഭയ്ക്ക് വ്യാപകമായി പിരിക്കുകയും വിദേശ മലയാളികള് കോടികള് സംഭാവനയായി നല്കുകയും ചെയ്തിട്ടും ഖജനാവില് നിന്ന് കോടികള് നല്കിയതെന്തിനെന്ന ചോദ്യത്തിന് ഉത്തരമില്ല. ജനങ്ങളോട് ഒരു പ്രതിബദ്ധതയുമില്ലാത്ത സര്ക്കാരാണ് കേരളം ഭരിക്കുന്നത്.
പിണറായി വിജയന് സര്ക്കാര് ആദ്യം അധികാരത്തില് കയറിയപ്പോഴുണ്ടായ വാഗ്ദാനം അവശ്യ സാധനങ്ങളുടെ വര്ധിക്കില്ലെന്നായിരുന്നു. എന്നാല് രണ്ടാമൂഴത്തിലും വന്വിലക്കയറ്റമാണ് സംസ്ഥാനത്ത് അനുഭവപ്പെടുന്നത്. കടുത്ത സാമ്ബത്തിക പ്രതിസന്ധിക്കൊപ്പം നിത്യോപയോഗ സാധനങ്ങളുടെ വിലക്കയറ്റം കൂടിയാകുമ്ബോള് ജനങ്ങള് അക്ഷരാര്ത്ഥത്തില് നട്ടം തിരിയുകയാണ്. സര്ക്കാരിന്റെ കെടു കാര്യസ്ഥത വിലക്കയറ്റത്തെ രൂക്ഷമാക്കുകയാണ് ഉണ്ടായത്.
മുഖ്യമന്ത്രിയുടെയും മന്ത്രിമാരുടെയും വിദേശയാത്ര കൊണ്ട് കേരളത്തിന് ഒരു ഗുണവുമുണ്ടായിട്ടില്ല. ഇപ്പോള് നടത്താന് പോവുന്ന യാത്ര രണ്ടാം പിണറായി വിജയന് സര്ക്കാരിന്റെ അവസാന ഉല്ലാസയാത്രയിരിക്കുമെന്നും രമേശ് ചെന്നിത്തല പ്രസ്താവനയിലൂടെ വ്യക്തമാക്കി.സര്ക്കാര് ജനങ്ങളെ നേരിട്ട് ബാധിക്കുന്ന കാര്യങ്ങള് കണ്ടില്ലെന്ന് നടിക്കുകയാണ്. സര്ക്കാര് അടിയന്തരമായി വിപണിയില് ഇടപെട്ട് വിലക്കയറ്റം പിടിച്ചുനിര്ത്തി ജനങ്ങള്ക്ക് ന്യായവിലയ്ക്ക് നിത്യോപയോഗസാധനങ്ങള് ഉറപ്പ് വരുത്തണമെന്നും അദ്ദേഹം ആവശ്യപ്പെട്ടു.
അതേസമയം
പുതുപ്പള്ളിയില് ഇടതുപക്ഷം മത്സരിക്കരുത് എന്ന കെപിസിസി അധ്യക്ഷന്റെ അഭിപ്രായത്തോട് യോജിപ്പില്ലെന്ന് കോണ്ഗ്രസ് നേതാവ് രമേശ് ചെന്നിത്തല. അത് പറയാനുള്ള ധാര്മ്മികത കോണ്ഗ്രസിനില്ല. തെരഞ്ഞെടുപ്പു പ്രഖ്യാപിച്ചാല് സ്ഥാനാര്ത്ഥിയെ കൂട്ടായി തീരുമാനിച്ച് പ്രഖ്യാപിക്കുമെന്ന് ചെന്നിത്തല പറഞ്ഞു. ലോക്സഭാ തെരഞ്ഞെടുപ്പില് സിറ്റിംഗ് എംപി മാര് മത്സരിക്കണോ വേണ്ടയോ എന്ന് തീരുമാനിക്കേണ്ടത് പാര്ട്ടിയാണ്. തനിക്ക് ഇനി ദില്ലി താത്പര്യം ഇല്ലെന്നും രമേശ് ചെന്നിത്തല ഒരു പ്രമുഖ ചാനലിനോട് വ്യക്തമാക്കി.നേതാക്കന്മാര് മരിക്കുമ്പോള് യുഡിഎഫ് സ്ഥാനാര്ത്ഥികളെ നിര്ത്തിയിട്ടുണ്ട്. രാഷ്ട്രീയ മത്സരമല്ലേ, വ്യക്തികളല്ലല്ലോ. ഉമ്മന്ചാണ്ടി മരിച്ചു, പിറ്റേന്ന് തന്നെ സ്ഥാനാര്ത്ഥിയെ തീരുമാനിക്കാന് കഴിയുമോ. ഇപ്പോള് സ്ഥാനാര്ത്ഥിയെകുറിച്ച് പറയേണ്ട സമയമല്ല. തെരഞ്ഞെടുപ്പ് കമ്മീഷന് തെരഞ്ഞെടുപ്പ് പ്രഖ്യാപിച്ച് കഴിഞ്ഞാല് ഏറ്റവും പെട്ടെന്ന് തന്നെ സ്ഥാനാര്ത്ഥിയെ തീരുമാനിക്കാന് കോണ്?ഗ്രസിന് കഴിയുമെന്നും ചെന്നിത്തല പറഞ്ഞു.
ലോകസഭ തെരഞ്ഞെടുപ്പ് ആയാല് ആരൊക്കെ മത്സരിക്കണമെന്നത് പാര്ട്ടി തീരുമാനിക്കും. ഞാനെന്നും പാര്ട്ടിക്ക് വിധേയനാണ്. എന്റെ പ്രവര്ത്തന മേഖല കേരളമാണ്. പ്രതിപക്ഷനേതാവാകാന് മത്സരമില്ല. സതീശന് തന്നെയാണ് പ്രതിപക്ഷനേതാവ്. സതീശന് അനിയനാണ്. സതീശന് പൂര്ണ്ണ പിന്തുണയുണ്ട്. നാളെയും പിന്തുണ നല്കും. പക്ഷേ ജനങ്ങളെ ബാധിക്കുന്ന പ്രശ്നങ്ങള് ഉണ്ടാവുമ്പോള് എന്റെ കടമയാണ് ഇത്തരം കാര്യങ്ങള് പുറത്തുകൊണ്ടുവരികയെന്നത് എന്നും ചെന്നിത്തല വ്യക്തമാക്കി
