മുല്ലപ്പെരിയാര് അണക്കെട്ടിന്റെ സുരക്ഷ സംബന്ധിച്ച് പുതിയ പരിശോധനയ്ക്ക് സമയമായെന്ന അറിയിപ്പുമായി കേന്ദ്ര ജലകമ്മീഷന്. സുപ്രിംകോടതിയില് സമര്പ്പിച്ച തല്സ്ഥിതി റിപ്പോര്ട്ടിലാണ് കമ്മീഷന് ഇക്കാര്യം അറിയിച്ചിരിക്കുന്നത്. 2012ലാണ് അണക്കെട്ട് സുരക്ഷിതമെന്ന് ഉന്നതാധികാര സമിതി സുപ്രിംകോടതിക്ക് റിപ്പോര്ട്ട് കൈമാറിയത്. മേല്നോട്ട സമിതി ഇതുവരെ 14 തവണ അണക്കെട്ട് സന്ദര്ശിചിരുന്നു . കേരളത്തിലെ വനമേഖലയിലെ മരങ്ങള് മുറിക്കാനും, അപ്രോച്ച് റോഡ് അറ്റകുറ്റപണി നടത്താനും തമിഴ്നാട് അനുമതി ചോദിച്ചിട്ടുണ്ട്.
എന്നാല് മുല്ലപ്പെരിയാര് അണക്കെട്ടിന് സമീപത്തെ ജനങ്ങളുടെ ആശങ്ക മേല്നോട്ട സമിതി യോഗത്തില് കേരളം അറിയിച്ചെന്നും ജല കമ്മീഷന്റെ റിപ്പോര്ട്ടില് പറയുന്നുണ്ട്. ജസ്റ്റിസ് എ.എം. ഖാന്വില്ക്കര് അധ്യക്ഷനായ ബെഞ്ചാണ് കേസില് അന്തിമ വാദം കേള്ക്കാന് തീരുമാനിച്ചിരിക്കുന്നത്.
