സില്‍വര്‍ ലൈന്‍ കല്ലിടലിനെതിരെ പ്രതിഷേധിച്ച് ചങ്ങനാശ്ശേരി മാടപ്പള്ളിയിലെ സ്ത്രീകളടക്കമുള്ള പ്രദേശവാസികളെ പോലീസ് മര്‍ദ്ദിച്ച സംഭവത്തില്‍ പ്രതിഷേധവുമായി പ്രതിപക്ഷം നിയമസഭയില്‍ ഇറങ്ങി. പ്രതിപക്ഷ എംഎല്‍എമാര്‍ സില്‍വര്‍ ലൈനിനെതിരെ പ്ലക്കാര്‍ഡുകളുമായി ആണ് നടുക്കളത്തിലിറങ്ങിയത്. ശേഷം പ്രതിപക്ഷ ബഹളത്തെ തുടര്‍ന്ന് സഭാ നടപടികള്‍ നിര്‍ത്തിവയ്ക്കുകയായിരുന്നു.
ചോദ്യോത്തരവേള സര്‍ക്കാരിനെ അപമാനിക്കാനുള്ള അവസരമാക്കി മാറ്റുകയാണ് പ്രതിപക്ഷം ചെയ്തതെന്നും പ്രതിപക്ഷം അപവാദം പ്രചരിപ്പിക്കാനാണ് ശ്രമിക്കുന്നതെന്നും മുഖ്യമന്ത്രി പറയുകയാണ് ഉണ്ടായത്.
സില്‍വര്‍ ലൈനിനെതിരെ ശക്തമായി പ്രതികരിക്കണമെന്ന് ജനങ്ങള്‍ ആഗ്രഹിക്കുന്നുണ്ടെന്നും സഭാ നടപടികളുമായി സഹകരിക്കാന്‍ ബുദ്ധിമുട്ടുണ്ടെന്നും സതീശന്‍ പറഞ്ഞിരുന്നു.
