തെന്നിന്ത്യൻ താര റാണി നയൻതാരയുടെ വിവാഹം ഏറെ ആവേശത്തോടെ ആരാധകർ ഏറ്റെടുത്തിരുന്നു. അതിനൊപ്പം തന്നെ പ്രശസ്തി പിടിച്ചു പറ്റിയ ഒരു വിഭവം ആണ് ചക്ക ബിരിയാണി. ഇപ്പോഴിതാ പല പാചക പ്രിയരും ഇന്റർനെറ്റിൽ പരതുന്നത് ചക്ക ബിരിയാണി തയ്യാറാക്കുന്ന വിധമാണ്. എളുപ്പത്തിൽ ഉണ്ടാക്കാൻ കഴിയുന്ന ഒരു വിഭവം കൂടിയാണിത്. അധികം മൂക്കാത്ത ചക്ക മസാല പോലെ വേവിച്ചാണ് ചക്ക ബിരിയാണി തയാറാക്കുന്നത്.
ഇടിച്ചക്ക കഷണങ്ങൾ ആക്കിയത് – 400 ഗ്രാം
വെജിറ്റബിൾ ഓയിൽ – 6 ടേബിൾസ്പൂൺ
സവാള കനം കുറച്ചു നീളത്തിൽ അരിഞ്ഞത് – രണ്ടു കപ്പ്
നെയ്യ് – ഒരു ടേബിൾസ്പൂൺ
ബേ ലീഫ് – രണ്ടെണ്ണം
ഗ്രാമ്പൂ – മൂന്നെണ്ണം
ഏലയ്ക്ക – മൂന്നെണ്ണം
കറുവപ്പട്ട – അര ഇഞ്ച് വലുപ്പത്തിൽ രണ്ടു കഷണങ്ങൾ
തക്കാളി നീളത്തിൽ അരിഞ്ഞത് – ഒരെണ്ണം
ബിരിയാണി മസാല – ഒന്നര ടേബിൾസ്പൂൺ
ഗരം മസാല – അര ടീസ്പൂൺ
ഉപ്പ് – ആവശ്യത്തിന്
തൈര് – ഒരു ടേബിൾസ്പൂൺ
മല്ലിയില അരിഞ്ഞത് – രണ്ടു ടേബിൾസ്പൂൺ
പുതിന ഇല അരിഞ്ഞത് – ഒന്നര ടേബിൾസ്പൂൺ
പച്ചമുളക് – രണ്ടെണ്ണം ചതച്ചത്
ഇഞ്ചി – ഒരു ഇഞ്ച് നീളത്തിൽ ഉള്ളത് ചതച്ചത്
വെളുത്തുള്ളി – മൂന്ന് അല്ലി ചതച്ചത്
ജീരകശാല അരി – ഒന്നര കപ്പ്
ചക്ക മസാല തയാറാക്കാനുള്ള ചേരുവകൾ
തയാറാക്കുന്ന വിധം
കുങ്കുമപ്പൂവ് ചെറുതായി ഒന്ന് ചൂടാക്കി കൈകൊണ്ട് തിരുമ്മി പൊടിച്ച് ചൂടു പാലിൽ കുതിർത്തു വയ്ക്കുക.(കുങ്കുമപ്പൂവിന് പകരം അൽപം മഞ്ഞൾപ്പൊടി ചേർത്താലും മതി)
ബസ്മതി അരി നന്നായി കഴുകി അര മണിക്കൂർ വെള്ളത്തിൽ കുതിർത്തു വയ്ക്കുക.
15 അണ്ടിപ്പരിപ്പ് വെള്ളത്തിൽ കുതിർത്തുവയ്ക്കുക.
അധികം മൂപ്പെത്താത്ത ചക്ക തൊലി കളഞ്ഞ് ചെറിയ കഷ്ണങ്ങളാക്കി അരിഞ്ഞ് ഉപ്പു വെള്ളത്തിൽ മുക്കിവയ്ക്കുക.
ചവർപ്പുള്ള ചക്കയാണെങ്കിൽ 2 മിനിറ്റു തിളച്ച വെള്ളത്തിൽ മുക്കി എടുക്കാം.
ചക്കയിലേക്കു മഞ്ഞൾപ്പൊടി, ഇഞ്ചി വെളുത്തുള്ളി പേസ്റ്റ്, പെരും ജീരകപ്പൊടി, ഉപ്പ്, നാരങ്ങാനീര് ഇവ ചേർത്ത് പുരട്ടി അര മണിക്കൂർ മാറ്റി വയ്ക്കുക.
ചുവടു കട്ടിയുള്ള ഒരു പാത്രത്തിൽ 4 ടേബിൾ സ്പൂൺ നെയ്യ് ചൂടാക്കി അലങ്കരിക്കാനുള്ള സവാള, അണ്ടിപ്പരിപ്പ്, ഉണക്കമുന്തിരി ഇവ വറുത്തുകോരുക.
ഇതേ നെയ്യിൽ ചക്ക കഷ്ണങ്ങൾ നിരത്തി ഓരോ വശവും അഞ്ചുമിനിറ്റ് വീതം മൊരിച്ചെടുക്കുക.
ഈ പാത്രത്തിൽ തന്നെ എണ്ണയോ നെയ്യോ ചൂടാക്കി ഏലയ്ക്ക, ഗ്രാമ്പു, കറുവപ്പട്ട, കറുത്ത ഏലയ്ക്ക, തക്കോലം ഇവ ചേർത്ത് വഴറ്റുക.
മൂന്ന് സവാള നീളത്തിൽ അരിഞ്ഞത് ചേർത്ത് ബ്രൗൺ നിറം ആകുമ്പോൾ ഇഞ്ചിയും വെളുത്തുള്ളിയും ചതച്ചതും പച്ചമുളകും ചേർക്കുക.
പച്ചമണം മാറുമ്പോൾ മഞ്ഞൾപ്പൊടി, മുളകുപൊടി, മല്ലിപ്പൊടി, ഗരംമസാലപ്പൊടി, ജീരകപ്പൊടി ഇവ ചേർത്തു വഴറ്റുക.
ചെറുതായി അരിഞ്ഞ തക്കാളിയും തൈരും ചേർക്കുക. രണ്ടു കപ്പ് തിളച്ച വെള്ളം കൂടി ചേർത്തു നന്നായി തിളയ്ക്കുമ്പോൾ ചെറുതായി അരിഞ്ഞ മല്ലിയില, പുതിനയില, വറുത്ത ചക്ക കഷ്ണങ്ങൾ ഇവ ചേർക്കുക.
അടച്ചു വച്ച് ചെറിയ തീയിൽ 15 മിനിറ്റു മുതൽ അര മണിക്കൂർ വരെ വേവിക്കുക.
ചക്ക വേവുന്ന സമയം കൊണ്ട് തന്നെ ചോറും വേവിച്ചെടുക്കാം. പാത്രത്തിൽ എട്ടു കപ്പ് വെള്ളം തിളപ്പിക്കുക. ഇതിലേക്ക് മസാലകളും ആവശ്യത്തിന് ഉപ്പും ഒരു ടീസ്പൂൺ നെയ്യും ചേർക്കുക. വെട്ടിത്തിളയ്ക്കുമ്പോൾ അരിയിട്ട് വേവിക്കുക. 80% വേവുമ്പോൾ വെള്ളം ഊറ്റി കളയുക.
വെന്ത ചക്ക മസാലയിലേക്ക് അണ്ടിപ്പരിപ്പ് അരച്ചത് ചേർക്കുക. ഉപ്പ് ആവശ്യമുണ്ടെങ്കിൽ ചേർത്തുകൊടുക്കാം.
നന്നായി കുറുകി കഴിയുമ്പോൾ തീ ഏറ്റവും കുറച്ച് ചക്ക മസാലയുടെ മുകളിലേക്ക് തയാറാക്കിയ ചോറ് നിരത്തുക.
മല്ലിയില, പുതിനയില, അണ്ടിപ്പരിപ്പ്, ഉണക്കമുന്തിരി, വറുത്ത സവാള ഇവ വിതറുക.
രണ്ട് ടേബിൾ സ്പൂൺ നെയ്യ് കൂടി ഒഴിച്ച് ഒരു അടപ്പു വച്ച് അടച്ച് 15 മിനിറ്റ് ചെറിയ തീയിൽ വേവിക്കുക.
രുചികരമായ ചക്ക ബിരിയാണി കഴിക്കാം.
