പത്തനംതിട്ട: മെഴവേലിയിലെ ഡി.വൈ.എഫ്.ഐ നേതാവിനെ ആക്രമിച്ച എസ് ഐ മാനുവലിനെ സ്ഥലം മാറ്റി. പമ്പ സ്റ്റേഷനിലേക്കാണ് മാറ്റിയത്. സംഭവത്തിൽ പങ്കാളിയായ പൊലീസുകാരൻ അൻവർഷായെ പന്തളത്തേക്ക് മാറ്റിയിട്ടുണ്ട്. കഴിഞ്ഞ ദിവസം വീടിന് സമീപം നിൽക്കുകയായിരുന്ന മനുവിനെ പൊലീസ് സംഘം ആക്രമിച്ചു എന്നായിരുന്നു പരാതി.പത്തനംതിട്ട ഡിവൈ.എസ്.പി നന്ദകുമാറിന്റെ അന്വേഷണ റിപ്പോർട്ടിനെത്തുടർന്നാണ് നടപടി.
മനുവിനെ കഞ്ചാവ് ഉണ്ടോയെന്ന് ചോദിച്ച് ഷർട്ട് ഊരിച്ച് പരിശോധിച്ചത് ചോദ്യം ചെയ്തപ്പോൾ എസ്.ഐയുടെ നേതൃത്വത്തിൽ ഇരുകരണത്തും അടിക്കുകയായിരുന്നു. കോഴഞ്ചേരി ജില്ലാ ആശുപത്രിയിൽ പ്രവേശിപ്പിച്ച മനുവിന് കേൾവിക്ക് തകരാറുണ്ടായി. കർണപടത്തിന് നേരിയ പൊട്ടൽ സംഭവിച്ചതായി കണ്ടത്തിയിരുന്നു.
