ന്യൂഡല്‍ഹി: രാജ്യത്ത് കൊവിഡ് മൂന്നാം തരംഗം രണ്ടാം തരംഗത്തെപ്പോലെ രൂക്ഷമാകില്ലെന്ന് പഠന റിപ്പോര്‍ട്ട്. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചും (ഐസിഎംആര്‍) ഇംപീരിയല്‍ കോളെജ് ഓഫ് ലണ്ടനും നടത്തിയ പഠനത്തിലാണ് ഇക്കാര്യം വ്യക്തമാക്കുന്നത്. നേരത്തേ രോഗമുണ്ടായപ്പോള്‍ ലഭിച്ച പ്രതിരോധശേഷി മുഴുവനായും നശിക്കുന്ന സാഹചര്യത്തിലേ പുതിയ വകഭേദം തരംഗത്തിന് കാരണമാകൂ
ഒരാളില്‍ നിന്ന് നാലോ അഞ്ചോ ആളുകളിലേക്കു രോഗം പടരാനുള്ള സാധ്യത ഉണ്ടായാലേ ഇനി ഒരു തരംഗം ഉണ്ടാകു എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. എന്നാല്‍ വാക്‌സിനേഷനിലുണ്ടാകുന്ന അപാകതകള്‍ പ്രതികൂല സാഹചര്യം സൃഷ്ടിച്ചേക്കുമെന്നും റിപ്പോര്‍ട്ടില്‍ സുചിപ്പിക്കുന്നുണ്ട്. അതേ സമയം രാജ്യത്ത് കൊവിഡിന്റെ വകഭേദമായ ഡെല്‍റ്റ പ്ലസ് വൈറസിന്റെ സാന്നിധ്യം ആശങ്ക വര്‍ധിപ്പിക്കുന്നുണ്ട്.
