ഉത്തരാഖണ്ഡില്‍ പുതിയ മുഖ്യമന്ത്രിയായി പുഷ്‌കര്‍ സിംഗ് ധാമിയെ തിരഞ്ഞെടുത്തു. സംസ്ഥാനത്ത് നാലു മാസത്തിനിടെ ഇത് മൂന്നാമത്തെയാളാണ് മുഖ്യമന്ത്രിയാവുന്നത്. ഭരണകഷിയായ ബിജെപിയിലെ തര്‍ക്കം രൂക്ഷമായതോടെ തിരാഥ് സിംഗ് റാവത്ത് രാജിവച്ചിരുന്നു.
ഡെറാഡൂണില്‍ പാര്‍ട്ടി ആസ്ഥാനത്ത് നടന്ന 57 എം.എല്‍.എമാരുടെ യോഗത്തിലാണ് പുഷ്‌കറിനെ തിരഞ്ഞെടുത്തത്. കേന്ദ്ര പ്രതിരോധ മന്ത്രി രാജ്നാഥ് സിംഗിന്റെ അടുത്തയാളാണ് പുഷ്‌കര്‍. രണ്ടാം തവണ എം.എല്‍.എയായി തിരഞ്ഞെടുക്കപ്പെട്ട 45 കാരനായ പുഷ്‌കര്‍, ഖട്ടിമ മണ്ഡലത്തില്‍ നിന്നുള്ളയാളാണ്.മുന്‍മുഖ്യമന്ത്രി ഭഗത് സിംഗ് കോഷിയാരിയുടെ പ്രത്യേക ഓഫീസറായിരുന്നു പുഷ്‌കര്‍.
