ആശുപത്രിയിൽ ഒരേ മുറിയിൽ കഴിഞ്ഞിരുന്ന രോഗിയുടെ വെന്റിലേറ്റർ രണ്ടുതവണ ഓഫ് ചെയ്തതിനെ തുടർന്ന് ഒരു സ്ത്രീ പൊലീസ് പിടിയിലായി. ജർമ്മനിയിൽആണ് സംഭവം.72 -കാരിയായ ഇവർ തനിക്ക് വെന്റിലേറ്ററിന്റെ ശബ്ദം കേൾക്കുന്നത് ഇഷ്ടമില്ലെന്നും അത് അസ്വസ്ഥത ഉണ്ടാക്കുന്നുവെന്നും പറഞ്ഞായിരുന്നു മുറിയിലുണ്ടായിരുന്ന മറ്റൊരു രോഗിയുടെ വെന്റിലേറ്റർ ഓഫ് ചെയ്തത്.
ജർമ്മനിയിലെ തെക്കുപടിഞ്ഞാറൻ നഗരമായ മാൻഹൈമിലെ ഒരു ആശുപത്രിയിൽ ആണ് സംഭവം നടന്നത്. ചൊവ്വാഴ്ച വൈകുന്നേരം ആണ് ഈ സ്ത്രീ തന്നോടൊപ്പം മുറിയിൽ കഴിഞ്ഞിരുന്ന രോഗിയോട് ഇത്തരത്തിൽ പെരുമാറിയത്. വെന്റിലേറ്ററിന്റെ സഹായത്തോടെയായിരുന്നു ആ രോഗിയുടെ ജീവൻ നിലനിർത്തിയിരുന്നത്. സംഭവത്തിൽ നരഹത്യാശ്രമം ആരോപിച്ച് സ്ത്രീയെ പൊലീസ് അറസ്റ്റ് ചെയ്തു.
- Friday, October 31, 2025
