സൂര്യൻ അസ്തമിക്കാത്ത സ്ഥലങ്ങൾ

സൂര്യൻ അസ്തമിക്കുന്നതോടെയാണ് ഒരു ദിവസം അവസാനിക്കുന്നത്. എന്നാൽ സൂര്യൻ അസ്തമിച്ചില്ലെങ്കിൽ എങ്ങനെ ഒരു ദിവസം തീരുമെന്ന് നിങ്ങൾ ചിന്തിച്ചിട്ടുണ്ടോ?
സൂര്യൻ അസ്തമിക്കാത്ത നാടുകളെ കുറിച്ച് കേട്ടിട്ടോ? എന്നാൽ വർഷത്തിൽ പല ദിവസങ്ങളിലും സൂര്യാസ്തമയം ഉണ്ടാകാറില്ലാത്ത പല സ്ഥലങ്ങളും ഭൂമിയിലുണ്ട്. ഇക്കാര്യം വിശ്വസിക്കാൻ നിങ്ങൾക്ക് ഒരു പക്ഷേ കഴിയില്ലെങ്കിലും അത്തരം സ്ഥലങ്ങൾ നമുക്ക് പരിചയപ്പെടാം.

നോർവേ

ആർട്ടിക് സർക്കിളിനുള്ളിൽ വരുന്ന സ്ഥലമാണ് നോർവേ. പാതിരാസൂര്യന്റെ നാട് എന്നും നോർവെ അറിയപ്പെടുന്നുണ്ട്.  മെയ് മുതൽ ജൂലൈ വരെ ഏകദേശം 76 ദിവസം നോർവയിൽ സൂര്യൻ അസ്തമിക്കില്ല. നോർവേയിലെ സ്വാൽബാർഡിൽ, ഏപ്രിൽ 10 മുതൽ ഓഗസ്റ്റ് 23 വരെ  തുടർച്ചയായി സൂര്യപ്രകാശം ലഭിക്കും. നിങ്ങൾക്ക് അവിടെ പോയി ആസ്വദിക്കാം.

കാനഡ

കാനഡയിലെ ഒരു ചെറിയ നഗരമാണ് നൂനാവട്ട്. കാനഡയുടെ വടക്കുപടിഞ്ഞാറൻ ഭാഗത്ത് ഏകദേശം രണ്ട് മാസത്തോളം സൂര്യൻ തുടർച്ചയായി പ്രകാശിക്കുന്നു. അതേസമയം, ശൈത്യകാലത്ത് ഈ സ്ഥലം തുടർച്ചയായി 30 ദിവസം ഇരുട്ടിലാണ്.

ഐസ്ലാൻഡ്

ഗ്രേറ്റ് ബ്രിട്ടൻ കഴിഞ്ഞാൽ യൂറോപ്പിലെ ഏറ്റവും വലിയ ദ്വീപാണ് ഐസ് ലാൻഡ്. ജൂൺ മാസത്തിൽ ഇവിടെ സൂര്യാസ്തമയമില്ല. ഇവിടെ നിങ്ങൾക്ക് അർദ്ധരാത്രിയിലും സൂര്യപ്രകാശം ആസ്വദിക്കാം.

അലാസ്ക

മെയ് അവസാനം മുതൽ ജൂലൈ അവസാനം വരെ അലസ്കയിലെ ബാരോയിൽ സൂര്യൻ അസ്തമിക്കില്ല. എന്നാൽ നവംബർ ആദ്യം മുതൽ, അടുത്ത 30 ദിവസത്തേക്ക് ഇവിടെ രാത്രിയാണ്. ഇതിനെ പോളാർ നൈറ്റ് എന്നും വിളിക്കുന്നു. മഞ്ഞുമൂടിയ മലനിരകൾക്കും മനോഹരമായ ഹിമാനികൾക്കും പേര് കേട്ട സ്ഥലമാണ് ഇത്. ഇവിടെ സന്ദർശിച്ചുകൊണ്ട് നിങ്ങൾക്ക് അതിന്റെ സൗന്ദര്യം ആസ്വദിക്കാനും കഴിയും.

ഫിൻലാൻഡ്

ആയിരക്കണക്കിന് തടാകങ്ങളും ദ്വീപുകളും ഉള്ള ഈ രാജ്യം വളരെ മനോഹരമാണ്. വേനൽക്കാലത്ത് സൂര്യൻ ഏകദേശം 73 ദിവസം ഇവിടെ തുടർച്ചായി പ്രകാശം തരുന്നു. നോർത്തേൺ ലൈറ്റ്സ് ആസ്വദിക്കാൻ നിങ്ങൾക്ക് ഇവിടെ അവസരം ലഭിക്കും. ഇതിനുപുറമെ, സ്കീയിംഗ്,  ഇഗ്ലൂവിലെ താമസം തുടങ്ങിയ ആക്റ്റിവിറ്റികളിൽ ഏർപ്പെടാം.

സ്വീഡൻ

മെയ് മുതൽ ഓഗസ്റ്റ് വരെ, സ്വീഡനിൽ സൂര്യൻ അർദ്ധരാത്രിയിൽ അസ്തമിക്കുകയും തുടർന്ന് പുലർച്ചെ 4:30 ന് ഉദിക്കുകയും ചെയ്യും. സൂര്യൻ ഇവിടെ  6 മാസം തുടർച്ചയായി പ്രകാശം നൽകും. അതിനാൽ ആളുകൾക്ക് ഗോൾഫിംഗ്, മീൻപിടുത്തം, ട്രെക്കിംഗ്, തുടങ്ങിയ നിരവധി ആക്റ്റിവിറ്റികളിൽ ഈ നാളുകളിൽ ഏർപ്പെടാം.