ആലപ്പുഴ ദേശീയ പാതയില് വാഹനാപകടത്തില് അഞ്ച് മരണം. പ്രസാദ്, സച്ചിന്, ഷിജുദാസ്, സുമോദ്, അമല് എന്നിവരാണ് അപകടത്തിൽ മരിച്ചത്.അമ്പലപ്പുഴ കാക്കാഴം മേല്പ്പാലത്തില് കാറും ലോറിയും കൂട്ടിയിടിച്ചാണ് അപകടമുണ്ടായത്.
അഞ്ച് പേരും തിരുവനന്തപുരം, കൊല്ലം സ്വദേശികളാണ്. ഇന്ന് പുലര്ച്ചെ ഒന്നരയോടെയായിരുന്നു അപകടം.
ആലത്തൂരില് നിന്ന് എറണാകുളത്തേക്ക് വരുന്ന കാറും തിരുവനന്തപുരത്തേക്ക് പോകുന്ന ലോറിയുമാണ് അപകടത്തില്പ്പെട്ടത്. അപകട കാരണം വ്യക്തമല്ല. നാല് പേര് സംഭവസ്ഥലത്ത് വച്ചും ഒരാള് ആശുപത്രിയില് വച്ചുമാണ് മരിച്ചത്.
കാര് വെട്ടിപ്പൊളിച്ചാണ് ഇവരെ പുറത്തെടുത്തത്. ഇവരില് നാല് പേര് ഐഎസ്ആര്ഒ കാന്റീന് ജീവനക്കാരാണ്
