മലയാള സിനിമയുടെ യൂത്ത് ഐക്കണ്‍ ദുല്‍ഖര്‍ സല്‍മാന്‍ നായകനായ കിംഗ് ഓഫ് കൊത്ത തിയറ്ററുകളില്‍ വന്‍ വിജയം തീര്‍ത്തിരിക്കുകയാണ്. ചിത്രം പ്രദര്‍ശനം തുടരുന്നതിനിടെ വൈകാരികമായ കുറിപ്പുമായി എത്തിയിരിക്കുകയാണ് നടന്‍ ദുല്‍ഖര്‍ സല്‍മാന്‍. പ്രേക്ഷകര്‍ക്ക് നന്ദി അറിയിച്ചാണ് താരത്തിന്റെ പോസ്റ്റ്. ഇവിടെയെത്താന്‍ കാരണം പ്രക്ഷകരാണെന്നും താന്‍ വീണ് പോകുമ്‌ബോഴെല്ലാം പിടിച്ചുയര്‍ത്തി താങ്ങായി നിന്നത് പ്രേക്ഷകര്‍ ഓരോരുത്തരുമാണെന്നും ദുല്‍ഖര്‍ ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നത്.
‘സ്നേഹം! എനിക്ക് സ്വപ്‌നം കാണാന്‍ കഴിയുന്നതിലും കൂടുതല്‍ സ്നേഹം എനിക്ക് എപ്പോഴും ലഭിച്ചിട്ടുണ്ട്. ഞാന്‍ ഇവിടെയുണ്ടാകാന്‍ കാരണം നിങ്ങള്‍ ഓരോ പ്രേക്ഷകരും തന്നെയാണ്. ആ സ്നേഹം കാരണം ഞാന്‍ എല്ലാ സമയത്തും എല്ലാം നല്‍കുന്നു. ഞാന്‍ വീണ് പോകുമ്‌ബോഴെല്ലാം നിങ്ങള്‍ എല്ലാവരും എന്നെ പിടിച്ചുയര്‍ത്തി. അത് എന്നെയും, ഞങ്ങളെ എല്ലാവരെയും കഠിനമായി പരിശ്രമിക്കുന്നത് തുടരാന്‍ പ്രോത്സാഹിപ്പിക്കുന്നു. ഞങ്ങളുടെ സിനിമയ്ക്ക് പ്രേക്ഷകരില്‍ നിന്ന് ഇത്രയധികം സ്നേഹം ലഭിക്കുന്നതില്‍ ഞാന്‍ വിനീതനാണ്. ഒരു സെറ്റിലെ എല്ലാ ദിവസവും ഓരോ സിനിമയും വ്യത്യസ്ത പഠനാനുഭവമാണ്. നിങ്ങളെ രസിപ്പിക്കാന്‍ ഞങ്ങളുടെ സിനിമയ്ക്ക് അവസരം നല്‍കുന്ന ഓരോരുത്തര്‍ക്കും നന്ദി. നിങ്ങളുടെ ഓണത്തിന്റെ ഭാഗമാകാന്‍ സാധിച്ചതില്‍ ഞങ്ങള്‍ക്ക് സന്തോഷമുണ്ട്. ഞങ്ങളുടെ ഹൃദയത്തിന്റെ അടിത്തട്ടില്‍ നിന്ന് ഞങ്ങള്‍ പ്രേക്ഷകര്‍ക്ക് നന്ദി പറയുന്നു’. എന്നാണ് ദുല്‍ഖര്‍ കുറിച്ചത്.
