ധനമന്ത്രി കെ.എൻ ബാലഗോപാലിന്റെ പേരിൽ പണം തട്ടാൻ ശ്രമിച്ചതായി പരാതി.
വ്യാജ വാട്‌സപ്പ് അക്കൗണ്ട് ഉപയോഗിച്ചാണ് തട്ടിപ്പ്. പണം ആവശ്യപ്പെട്ട് ഉന്നത ഉദ്യോഗസ്ഥർക്കടക്കം സന്ദേശം അയച്ചതോടെയാണ് തട്ടിപ്പ് വിവരം പുറത്തറിയുന്നത്.
വാട്ട്‌സ് ആപ്പ് പ്രൊഫൈൽ ചിത്രമായി മന്ത്രിയുടെ ഫോട്ടോയാണ് ഉപയോഗിച്ചത്. ധനമന്ത്രിയുമായി പരിചയമുള്ളവർക്ക് ഈ പുതിയ നമ്പരിൽ നിന്നാണ് സന്ദേശം അയക്കുകയായിരുന്നു. പണം ആവശ്യപ്പെട്ട് സന്ദേശം ലഭിച്ചവർ മന്ത്രിയുടെ പേഴ്‌സണൽ സ്റ്റാഫിനെ വിവരമറിയിച്ചു. തുടർന്നാണ് തട്ടിപ്പ് വിവരം പുറത്ത് വരുന്നത്. നേരത്തെ മുഖ്യമന്ത്രിയുടെയും സ്പീക്കറുടെയും പേരിലും സമാന രീതിയിൽ സാമ്പത്തിക തട്ടിപ്പ് നടന്നിരുന്നു.
