തിരുവനന്തപുരം: ഗതാഗത വകുപ്പിന് കീഴിലുള്ള സ്വാശ്രയ കോളേജായ തിരുവനന്തപുരം ശ്രീ ചിത്ര തിരുനാള്‍ എന്‍ജിനിയറിങ് കോളേജിനെ മികവിന്റെ കേന്ദ്രമാക്കുമെന്ന് ഗതാഗത വകുപ്പ് മന്ത്രി ആന്റണി രാജു. അടിസ്ഥാന അക്കാഡമിക് സൗകര്യം ഒരുക്കുന്നതിനായി ഈ സാമ്പത്തിക വര്‍ഷം ഒന്‍പതു കോടി രൂപ വകയിരുത്തിയിട്ടുണ്ട്. മെക്കാനിക്കല്‍ എന്‍ജിനിയറിങ് വകുപ്പിന് കീഴില്‍ സെന്റര്‍ ഫോര്‍ ഇന്നോവേഷന്‍ സ്ഥാപിക്കുന്നതിന് 90 ലക്ഷം രൂപയുടെ ഭരണാനുമതി ഇതിനോടകം നല്കി. രാജ്യാന്തര നിലവാരത്തിലുള്ള സൗകര്യങ്ങള്‍ കേരളത്തിലെ വിദ്യാര്‍ഥികള്‍ക്ക് ലഭ്യമാക്കന്‍ ലക്ഷ്യമിട്ടുള്ള പദ്ധതികള്‍ കോളേജില്‍ നടപ്പിലാക്കുമെന്ന് മന്ത്രി അറിയിച്ചു.
- Saturday, November 1, 2025
