തൃശൂര്‍: വ്യാപാരി വ്യവസായി ഏകോപന സമിതി വീണ്ടും സമര രംഗത്തേക്ക്. ഓഗസ്റ്റ് ഒന്‍പതാം തീയതി സംസ്ഥാന വ്യാപകമായി കടകള്‍ തുറക്കുമെന്ന്് വ്യാപാരി വ്യവസായി സംസ്ഥാന സംസ്ഥാന അധ്യക്ഷന്‍ ടി നസറുദിന്‍ മാധ്യമങ്ങളോട് പറഞ്ഞു.
ഓഗസ്റ്റ് രണ്ട് മുതല്‍ ആറ് ദിവസം സെക്രട്ടേറിയറ്റിന് മുന്നില്‍ ധര്‍ണ നടത്തും. ഒന്‍പതാം തീയതി സംസ്ഥാന വ്യാപകമായി കടകള്‍ തുറക്കും. ഒന്‍പതാം തീയതി സര്‍ക്കാര്‍ ഉദ്യോഗസ്ഥരില്‍ നിന്നും ഏതെങ്കിലും വ്യാപാരികള്‍ക്ക് മോശം അനുഭവമുണ്ടായാല്‍ മരണം വരെ നിരാഹാര സമരം നടത്തുമെന്നും നസറുദ്ദീന്‍ പ്രഖ്യാപിച്ചു.
ബക്രീദിന് ശേഷം കടകള്‍ തുറക്കുന്നതില്‍ ഇളവ് നല്‍കണമെന്ന ആവശ്യം സര്‍ക്കാര്‍ നിരാകരിച്ച സാഹചര്യത്തിലാണ് വ്യാപാരികള്‍ സമര രംഗത്തേക്ക് എത്തുന്നത്. സംസ്ഥാനത്തെ വ്യാപാരികള്‍ ആത്മഹത്യയുടെ വക്കിലാണെന്ന് വ്യാപാരി വ്യവസായി സംസ്ഥാന സമിതി യോഗത്തിന് ശേഷം മാദ്ധ്യമങ്ങളെ കണ്ട സംസ്ഥാന അധ്യക്ഷന്‍ ടി നസറുദിന്‍ പറഞ്ഞു.
