മെക്‌സികോ സിറ്റി: പലപ്പോഴും വ്യത്യസ്തമായ വിവാഹ ദൃശ്യങ്ങൾ സമൂഹ മാദ്ധ്യമങ്ങളിൽ ശ്രദ്ധിക്കപ്പെടാറുണ്ട്. ഇപ്പോഴിതാ വൈറലായികൊണ്ടിരിക്കുന്നത് മെക്‌സിക്കോയിലെ ഒരു ഗ്രാമത്തിലെ മേയറുടെ വിവാഹദൃശ്യങ്ങളാണ്. ഓക്‌സാക്കയിലെ മേയറായ വിക്ടർ ഹ്യൂഗോ സോസിന്റെ വിവാഹ ദൃശ്യങ്ങളാണ്. അദ്ദേഹം വിവാഹം ചെയ്തത് ഒരു ഒരു ചീങ്കണ്ണിയെയാണ്.
ഏഴുവയസ് പ്രായമുള്ല ചീങ്കണ്ണിയെ ഗ്രാമത്തിലെ ആചാരത്തിന്റെ ഭാഗമായാണ് മേയർ വിവാഹം ചെയ്തത്. വായ് മൂടിക്കെട്ടിയിരുന്ന ചീങ്കണ്ണിയെ വിവാഹത്തിന് പിന്നാലെ മേയർ ഉമ്മ വയ്ക്കുകയും ചെയ്തു. ഭൂമീദേവിയുടെ പ്രതീകമായാണ് ചീങ്കണ്ണിയെ കാണുന്നത്. ദൈവവുമായി ചേരുന്നു എന്ന സങ്കൽപ്പപ്രകാരമാണ് വിവാഹം. വിവാഹത്തിന് ശേഷം വധുവിനെ കൈയിലെടുത്ത് വരൻ നൃത്തം ചെയ്യുന്നതും ദൃശ്യങ്ങളിൽ കാണാം.
