ന്യൂഡല്ഹി: അള്ട്രാ ഹൈ സ്പീഡ് കണക്ടിവിറ്റി ലഭ്യമാക്കുന്ന 6 ജി ടെലികോം നെറ്റ് വര്ക്ക് ഈ ദശകത്തിന്റെ അവസാനത്തോടെ യാഥാര്ഥ്യമാക്കുമെന്ന് പ്രധാനമന്ത്രി നരേന്ദ്ര മോദി. ടെലികോം റെഗുലേറ്ററി അതോറിറ്റി യുടെ രജതജൂബിലി ആഘോഷവേളയില് സംസാരിക്കുകയായിരുന്നു അദ്ദേഹം. 6 ജി യാഥാര്ഥ്യമാക്കാനുള്ള ശ്രമങ്ങള് ഒരു ടാസ്ക് ഫോഴ്സിന്റെ നേതൃത്വത്തില് ആരംഭിച്ചതായും മോദി പറഞ്ഞു.
5 ജി നെറ്റ് വര്ക്ക് നിലവില് വരുന്നതോടെ 450 ബില്യന് ഡോളര് ഇന്ത്യന് സമ്പദ്വ്യവസ്ഥയിലേക്ക് വന്നുചേരുമെന്നും പ്രധാനമന്ത്രി കൂട്ടിച്ചേര്ത്തു.
നിലവില് 3 ജി, 4 ജി ടെലികോം നെറ്റ് വര്ക്കുകളാണ് രാജ്യത്തുള്ളത്. മാസങ്ങള്ക്കുള്ളില് 5 ജി സര്വീസ് ലഭ്യമാക്കാനുള്ള ശ്രമത്തിലാണ് കമ്പനികളെന്നും അദ്ദേഹം വ്യക്തമാക്കി.
