മലയാളത്തിന്റെ മെഗാസ്റ്റാര്‍ മമ്മൂട്ടി വീണ്ടും നിര്‍മ്മാതാവാകുന്നു. പുതിയ ബാനറില്‍ മമ്മൂട്ടി നിര്‍മ്മിക്കുന്ന ആദ്യ ചിത്രം സംവിധാനം ചെയ്യുന്നത് ലിജോ ജോസ് പെല്ലിശേരി ആണ്. ചിത്രത്തിന്റെ പ്രധാന ലൊക്കേഷന്‍ കൊച്ചിയും എറണാകുളവും ആയിരിക്കും.
ഈ പ്രൊജക്ടിന്റെയും മമ്മൂട്ടിയുടെ പുതിയ നിര്‍മ്മാണക്കമ്പനിയുടെയും ഔദ്യോഗിക പ്രഖ്യാപനം ഉടനുണ്ടാകും. എം.ടി. വാസുദേവന്‍നായരുടെ ചെറുകഥകളെ ആസ്പദമാക്കി നെറ്റ് ഫ്‌ളിക്‌സ് ഒരുക്കുന്ന സീരീസിലെ മമ്മൂട്ടി ചിത്രം സംവിധാനം ചെയ്യുന്നതും ലിജോ ജോസ് പെല്ലിശ്ശേരിയാണ്. ഈ ചിത്രവും ഈ വര്‍ഷം തന്നെ ഷൂട്ടിംഗ് നടത്തും.
കെ. മധു – എസ്.എന്‍. സ്വാമി ടീമൊരുക്കുന്ന സി.ബി.ഐ സീരീസിലെ അഞ്ചാമത്തെ ചിത്രത്തില്‍ നവംബറിലാണ് മമ്മൂട്ടി അഭിനയിക്കുന്നത്. കെട്ട്യോളാണ് എന്റെ മാലാഖയുടെ സംവിധായകന്‍ നിസാം ബഷീറിനും മമ്മൂട്ടി ഡേറ്റ് നല്‍കിയിട്ടുണ്ട്.
