അടൂർ: ജീവകാരുണ്യപ്രസ്ഥാനമായ മഹാത്മ ജനസേവന കേന്ദ്രത്തിൻ്റെ രക്ഷാധികാരിയായി ചലചിത്ര നടനും, സാമൂഹിക സാംസ്കാരിക പ്രവർത്തകനുമായ നെടുമുടിവേണു ചുമതലയേറ്റു. രക്ഷാധികാരിയായിരുന്ന റിട്ട: എസ്.പി ശ്രീനിവാസിൻ്റെ ദേഹവിയോഗത്തെ തുടർന്നാണ് പുതിയ തീരുമാനം.
വയോജന പരിപാലനം, യാചക പുനരധിവാസം എന്നീ മേഖലകളിലായി ചെങ്ങന്നൂർ, കോഴഞ്ചേരി ,കൊടുമൺ അങ്ങാടിക്കൽ, കുളത്തിനാൽ,അടൂർ എന്നിങ്ങനെ അഞ്ച് യൂണിറ്റുകളാണ് മഹാത്മജന സേവന കേന്ദ്രത്തിൻ്റെ കീഴിൽ പ്രവർത്തിക്കുന്നത്. മാഹാത്മ്യം ജീവകാരുണ്യ മാസിക കേന്ദ്രത്തിൻ്റെ മുഖപത്രമാണ്.
