തിരുവനന്തപുരം: ഗ്ലോക്കോമാ ദിനാചരണങ്ങളുടെ ഭാഗമായി ഭിന്നശേഷിക്കുട്ടികളുടെ രക്ഷിതാക്കള്‍ക്ക് സൗജന്യ നേത്ര ചികിത്സാ ക്യാമ്പ് നടത്തുന്നു. മാജിക് അക്കാദമി, സ്വസ്തി ഫൗണ്ടേഷന്‍, എസ്.എന്‍ യുണൈറ്റഡ് മിഷന്‍ ഇന്റര്‍നാഷണല്‍, ദിവ്യപ്രഭ ഐ ഹോസ്പിറ്റല്‍ എന്നിവരുടെ സഹകരണത്തോടെ സംഘടിപ്പിക്കുന്ന ക്യാമ്പ് നാളെ (ഞായര്‍) രാവിലെ 11 മുതല്‍ മാജിക് പ്ലാനറ്റിലെ ഡിഫറന്റ് ആര്‍ട് സെന്ററില്‍ നടക്കും.
മക്കളെ നോക്കാന്‍ എന്ന് നാമകരണം ചെയ്തിരിക്കുന്ന ക്യാമ്പിന് ഡോ.ദേവിന്‍ പ്രഭാകര്‍, ഡോ.ചന്ദ്രമോഹന്‍, ഡോ.കെ.കെ മനോജന്‍, മാജിക് അക്കാദമി എക്‌സിക്യുട്ടീവ് ഡയറക്ടര്‍ ഗോപിനാഥ് മുതുകാട് എന്നിവര്‍ നേതൃത്വം നല്‍കും. ഡിഫറന്റ് ആര്‍ട് സെന്ററിലെ ഭിന്നശേഷിക്കുട്ടികളുടെ അമ്മമാരുടെ കൂട്ടായ്മയായ കരിസ്മയിലെ മുഴുവന്‍ അംഗങ്ങള്‍ക്കും ഈ ക്യാമ്പിലൂടെ പ്രയോജനം ലഭിക്കും.
