കൊല്ലം ; സോഷ്യൽ മീഡിയ വഴി പരിചയപ്പെട്ട് പ്രായപൂർത്തിയാകാത്ത പെൺകുട്ടികളെ പീഡിപ്പിച്ച യുവാവിനെ പോലീസ് പിടികൂടി. ഇൻസ്റ്റാഗ്രാമിലൂടെ പരിചയപ്പെട്ട് സ്വകാര്യ ചിത്രങ്ങൾ കൈക്കലാക്കിയാണ് 18 കാരൻ പെൺകുട്ടികളെ പീഡിപ്പിച്ചത്. ഏഴാം ക്ലാസിലും എട്ടാം ക്ലാസിലും പഠിക്കുന്ന പെൺകുട്ടികളെ പീഡിപ്പിച്ചതിനാണ് കടയ്ക്കൽ ഇടത്തറ തോട്ടുവിള വീട്ടിൽ നീരജിനെ പോലീസ് അറസ്റ്റ് ചെയ്തത്.
ഇൻസ്റ്റാഗ്രാമിലൂടെ പരിചയപ്പെട്ടശേഷം നഗ്നചിത്രങ്ങളും വീഡിയോകളും കൈക്കാലാക്കി പെൺകുട്ടികളെ രാത്രിയിൽ വീടിന് പുറത്തെത്തിക്കുകയും ആളൊഴിഞ്ഞ സ്ഥലത്ത് വെച്ച് പീഡിപ്പിക്കുകയുമായിരുന്നു. ഇയാളെ ആളൊഴിഞ്ഞ സ്ഥലത്ത് വെച്ച് നാട്ടുകാർ പിടികൂടുകയും പൊലീസിൽ ഏൽപ്പിക്കുകയും ചെയ്തു.
- Friday, October 31, 2025
