തിരുവനന്തപുരം: പെട്രോളിനൊപ്പം എത്താനുള്ള ഓട്ടത്തില് ഡീസല്. വില 100 കടന്നു മുന്നോട്ട്. ഇന്ന് 38 പൈസ കൂടിതോടെ തിരുവനന്തപുരത്തെ പാറശ്ശാല, വെള്ളറട, കാരക്കോണം മേഖലകളില് ഡീസല് വില നൂറ് കടന്നു. 100 രൂപ 8 പൈസയാണ് ഇന്നത്തെ വില.
തിരുവനന്തപുരം നഗരത്തില് 99.83 രൂപയാണ് ഡീസല് വില. ഇടുക്കി ജില്ലയിലെ ചില പമ്പുകളിലും ഡീസല് വില 100 കടന്നു. അതേസമയം, പെട്രോളിന് ഇന്ന് 30 പൈസ കൂടിയാണ് കൂടിയത്. കൊച്ചിയില് ഒരു ലിറ്റര് ഡീസലിന് 97.90 രൂപയാണ് വില.
ഇവിടെ പെട്രോളിന് 104 രൂപ 35 പൈസയായി. കോഴിക്കോട് പെട്രോള് വില 104.61 രൂപയും ഡീസല് വില 98.20 രൂപയുമാണ്. പത്ത് മാസത്തിനിടെ ഡീസലിന് 19.63 രൂപയാണ് കൂട്ടിയത്. കഴിഞ്ഞ 16 ദിവസത്തില് ഡീസലിന് 3.85 രൂപ കൂട്ടി. നാല് മാസം മുമ്പാണ് കേരളത്തില് പെട്രോള് വില 100 കടന്നത്.
വരും ദിവസങ്ങളിലും രാജ്യത്ത് ഇന്ധനവിലയില് വര്ധനയ്ക്ക് സാധ്യതയുണ്ടെന്ന് വിദഗ്ധര് പറയുന്നു. രാജ്യത്തെ ഏറ്റവും ഉയര്ന്ന ഇന്ധനവില രാജസ്ഥാനിലെ ശ്രീ ഗംഗാനഗറിലാണ്. ശ്രീഗംഗാനഗറില് പെട്രോളിന് 116.06 രൂപയും ഡീസല് 106.77 രൂപയുമാണ് വില.
