കൊച്ചി: യാത്രികർക്ക് പ്രത്യേക ആനുകൂല്യം അനുവദിച്ച് കൊച്ചി മെട്രോ. ജന്മദിനം പ്രമാണിച്ച് കൊച്ചി മെട്രോയിൽ എവിടേക്ക് യാത്ര ചെയ്താലും അഞ്ച് രൂപ മാത്രമാകും ഈടാക്കുക. മെട്രോ ഉദ്ഘാടനം ചെയ്ത 17ന് ഈ ആനുകൂല്യം ലഭ്യമാകും.
മെട്രോയിൽ കൂടുതൽ യാത്രക്കാരെ എത്തിക്കുക. ഇതുവരെ മെട്രോ യാത്ര ചെയ്തിട്ടില്ലാത്തവർക്കു മെട്രോ പരിചയപ്പെടുത്തുക എന്നതാണ് ലക്ഷ്യം. എത്ര തവണ വേണമെങ്കിലും ഏതു സ്റ്റേഷനിലേക്കും യാത്ര ചെയ്യാം. ഓരോ യാത്രയ്ക്കും അഞ്ചു രൂപ ടിക്കറ്റ് എടുത്താൽ മതി. ആലുവയിൽ നിന്നു പേട്ടയിലേക്ക് ആയാലും കുറഞ്ഞ ദൂരത്തിനും 5 രൂപ തന്നെ. കൊച്ചി വൺ കാർഡ് ഉപയോഗിക്കുന്നവർക്ക് ഇൗ ആനുകൂല്യം എങ്ങനെ ലഭ്യമാക്കുമെന്നതിൽ തീരുമാനമായിട്ടില്ല.
