ന്യൂഡല്‍ഹി: കോവിഡ് വാക്സിന്റെ വില പുതുക്കി കേന്ദ്ര സര്‍ക്കാര്‍. സെറം ഇന്‍സ്റ്റിറ്റ്യൂട്ടില്‍ നിന്ന് വാങ്ങുന്ന കോവിഷീല്‍ഡിന് നികുതി ഉള്‍പ്പടെ 215.15 രൂപയും ഭാരത് ബയോടെക്കില്‍ നിന്നു വാങ്ങുന്ന കൊവാക്‌സിന് 225.75 രൂപയുമാണ് പുതിയ വില. ഇത് 150 രൂപയായിരുന്നു. നികുതി ഇല്ലാതെ 205 രൂപയാണ് കോവിഷീല്‍ഡിന്റെ വില. കൊവാക്‌സിന് 215 രൂപയും.നിലവില്‍ 150 രൂപക്കാണ് രണ്ടു വാക്‌സിനും കമ്പനികള്‍ കേന്ദ്ര സര്‍ക്കാരിന് നല്‍കുന്നത്.
ജൂണ്‍ 21 ന് പുതിയ വാക്സിന് നയം നിലവില്‍ വന്നതിനുശേഷം സംസ്ഥാനങ്ങള്‍ക്കു വാക്സിന് പൂര്‍ണമായും കേന്ദ്രസര്‍ക്കാര്‍ നല്‍കുകയാണ്. സ്വകാര്യ ആശുപത്രികള്‍ മാത്രമാണ് ഇപ്പോള്‍ കമ്പനികലില്‍ നിന്ന് നേരിട്ടു വാക്സിന് വാങ്ങുന്നത്. പുതിയ നയം അനുസരിച്ച് ഉല്‍പാദനത്തിന്റെ 75 ശതമാനവും കേന്ദ്ര സര്‍ക്കാര്‍ വാങ്ങും.
