പാലാ: കൊറോണ ബാധിത പ്രദേശങ്ങളിലെ ജനങ്ങളോടുള്ള മാനസിക കരുതലിന്റെ ഭാഗമായി മീനച്ചില്‍ താലൂക്ക് ലൈബ്രറി കൗണ്‍സില്‍ അക്ഷരവണ്ടിയുടെ സേവനം ലഭ്യമാക്കുന്നു. അക്ഷരസേനാംഗങ്ങളുടെ സഹകരണത്തോടെയാണ് പദ്ധതി നടപ്പാക്കുന്നത്. പരിസ്ഥിതി ദിനത്തോടനുബന്ധിച്ച് സംഘടിപ്പിച്ച ചടങ്ങ് ജില്ലാ ലൈബ്രറി കൗണ്‍സില്‍ പ്രസിഡന്റ് ബാബു കെ ജോര്‍ജ് പദ്ധതി ഉദ്ഘാടനം ചെയ്തു. താലൂക്ക് പ്രസിഡന്റ് ഡോ സിന്ധുമോള്‍ ജേക്കബ് അധ്യക്ഷത വഹിച്ചു.
അക്ഷരസേനാംഗങ്ങളായ അര്‍ജുന്‍, ഡോ പ്രിയങ്ക ചാലത്തുരുത്തി എന്നിവര്‍ പുസ്തകങ്ങള്‍ ഏറ്റുവാങ്ങി. ബിനു പുളിയ്ക്കക്കണ്ടം, അഡ്വ സണ്ണി ഡേവിഡ്, സി കെ ഉണ്ണികൃഷ്ണന്‍, ജോണ്‍സണ്‍ പുളിക്കീല്‍ എന്നിവര്‍ പ്രസംഗിച്ചു.
