കോഴിക്കോട്: കരിപ്പൂര് സ്വര്ണക്കവര്ച്ചക്കേസില് ഒരാള് കൂടി അറസ്റ്റില്. കൂടത്തായി കുടുക്കില്മാരം കുന്നംവള്ളി ശിഹാബ് (37)നെയാണ് പൊലീസ് പിടികൂടിയത്. അര്ജുന് ആയങ്കിയെയും സംഘത്തെയും അപായപ്പെടുത്താന് ടിപ്പറുമായി വന്ന താമരശ്ശേരി ക്വട്ടേഷന് സംഘത്തിലെ മുഖ്യ പ്രതിയാണ് ശിഹാബ്.
താമരശ്ശേരി അടിവാരത്തുള്ള ഒളിത്താവളത്തില്നിന്നാണ് ശിഹാബിനെ പിടിച്ചത്. ആര്ജുന് ആയങ്കി വരുന്ന വാഹനത്തെ ടിപ്പര് ലോറി ഉപയോഗിച്ച് ആക്രമിക്കാന് താമരശ്ശേരി സംഘത്തില് നിന്ന് ക്വട്ടേഷന് കിട്ടിയതുപ്രകാരമാണ് കഴിഞ്ഞ 21-ന് പുലര്ച്ചെ ഇയാളും സംഘവും കരിപ്പൂരിലെത്തിയിരുന്നതെന്ന് പൊലീസ് പറയുന്നു.
്
ശിഹാബിന്റെ സംഘത്തില്പ്പെട്ട താമരശ്ശേരി കുടുക്കില്മാരം അരയറ്റുംചാലില് അബ്ദുള് നാസറിനെ അഞ്ചുദിവസം മുമ്പ് താമരശ്ശേരിയില്നിന്ന് പ്രത്യേക അന്വേഷണസംഘം പിടികൂടിയിരുന്നു.
