പഠനത്തിന് വേണ്ടി മുഴുവന്‍ സമയവും ചെലവഴിക്കുന്നത് കൊണ്ട് തന്നെ പല കുട്ടികള്‍ക്കും പുറത്തേക്ക് ഇറങ്ങാന്‍ പോലും സമയം കിട്ടാറില്ല. എന്നാല്‍ ലക്ഷങ്ങള്‍ സമ്പാദിക്കുന്ന പതിമൂന്നുകാരനായ ഒമാരിയായാണ് സോഷ്യല്‍ മീഡിയയില്‍ ഇപ്പോഴത്തെ താരം. യൂട്യൂബ് വീഡിയോയിലൂടെയാണ് ഒമാരി എന്ന ഈ കൊച്ചു മിടുക്കന്‍ ലക്ഷങ്ങള്‍ സമ്പാദിക്കുന്നത്.
ചൈല്‍ഡ് ഇന്‍ഫ്‌ലുവന്‍സറായ ഒമാരി നല്ലൊരു കുക്ക്കൂടി ആണ്. തന്റെ യൂട്യൂബ് ചാനലില്‍ പാചക വീഡിയോയും, ചെറിയ കുക്കിംഗ് ടിപ്‌സുമൊക്കെ ഈ പതിമൂന്നുകാരന്‍ പങ്കുവയ്ക്കാറുണ്ട്. വെറും എട്ട് വയസ് മാത്രമുള്ളപ്പോഴാണ് ഈ കൊച്ചുമിടുക്കന്‍ കുക്കിംഗ് ചാനല്‍ ആരംഭിച്ചത്. ഇന്‍സ്റ്റഗ്രാമില്‍ മാത്രം 28,000ത്തിലധികം ഫോളോവേഴ്‌സും ഒമാരിയ്ക്കുണ്ട്
വെജിറ്റേറിയനായ ഒമാരി ഒരു വീഗന്‍ കമ്പനിയും ആരംഭിച്ചിട്ടുണ്ട്. ജ്യൂസുകളൊക്കെയാണ് ഇവിടെ വില്‍ക്കുന്നത്. ഒമാരി സ്‌കൂളില്‍ പോയിട്ടില്ല. ഒരു ഓണ്‍ലൈന്‍ പ്രൈവറ്റ് സ്‌കൂളിലാണ് ഈ കൊച്ചുമിടുക്കന്‍ പഠിക്കുന്നത്.
മകന്‍ യൂട്യൂബ് ചാനലും മറ്റും പണത്തിനുവേണ്ടിയല്ല നടത്തുന്നതെന്ന് കുട്ടിയുടെ മാതാവ് പറഞ്ഞു. ‘അവന്‍ വെജിറ്റേറിയനാണ്. മൃഗങ്ങളെ ഉപദ്രവിക്കാതെയുള്ള ഭക്ഷണം എല്ലാവരും ശീലമാക്കണമെന്നതാണ് അവന്റെ ലക്ഷ്യം.’- അവര്‍ വ്യക്തമാക്കി
