ന്യൂഡല്‍ഹി: ഇന്ധന എക്സൈസ് നികുതി കുറയ്ക്കില്ലെന്ന് കേന്ദ്ര ധനമന്ത്രി നിര്‍മല സീതാരാമന്‍. 1.44 ലക്ഷം കോടി രൂപയുടെ എണ്ണ കടപത്രം ഇറക്കിയാണ് യുപിഎ സര്‍ക്കാര്‍ ഇന്ധന വില കുറച്ചത്. യുപിഎ സര്‍ക്കാരിന്റെ ഈ തന്ത്രം പിന്തുടരാന്‍ തനിക്കാവില്ല. എണ്ണ കടപത്രം സര്‍ക്കാരിന് വലിയ ബാധ്യതയാണ് വരുത്തി വച്ചത്.അതുകൊണ്ടാണ് ഇപ്പോള്‍ ഇന്ധന വില കുറയ്ക്കാന്‍ സാധിക്കാത്തതെന്നും നിര്‍മല സീതാരാമന്‍ വ്യക്തമാക്കി.
എണ്ണ കടപത്രത്തിന്റെ ബാധ്യത ഉണ്ടായിരുന്നില്ലെങ്കില്‍ ഇന്ധന എക്സൈസ് നികുതി കുറയ്ക്കാന്‍ സര്‍ക്കാരിന് കഴിയുമായിരുന്നു എന്നും ധനമന്ത്രി വിമര്‍ശിച്ചു. ഒരു മാസത്തിലേറെയായി രാജ്യത്തെ പെട്രോള്‍ വില നൂറിന് മുകളില്‍ തുടരുകയാണ്.
