എഡിഎം നവീൻ ബാബിവിന്റെ മരണവുമായി ബന്ധപ്പെട്ട കേസില്‍ പിപി ദിവ്യ മുന്‍കൂര്‍ ജാമ്യാപേക്ഷ നല്‍കി. അദ്ദേഹത്തിന്റെ മരണത്തിൽ നിലവിൽ പ്രതി സ്ഥാനത്താണ് പിപി ദിവ്യ. ഇതേതുടർന്ന് തലശ്ശേരി ജില്ലാ സെഷന്‍സ് കോടതിയിലാണ് മുന്‍കൂര്‍ ജാമ്യ ഹര്‍ജി നല്‍കിരിക്കുന്നത്. അഡ്വ. വി വിശ്വന്‍ മുഖേനയാണ് ഹര്‍ജി സമര്‍പ്പിച്ചത്. ക്ഷണിക്കാതെയാണ് യാത്രയയപ്പ് ചടങ്ങില്‍ പങ്കെടുത്തത് എന്ന വാദം തെറ്റാണെന്ന് ദിവ്യ ഹര്‍ജിയില്‍ പറയുന്നു. ചടങ്ങില്‍ തന്നെ ക്ഷണിച്ചത് കളക്ടര്‍ ആണെന്നാണ് വാദം.
കളക്ടര്‍ കൂടി കേസില്‍ പങ്കു ചേര്‍ക്കപ്പെടും വിധമുള്ള പരാമര്‍ശമാണ് ഹര്‍ജിയുടെ ഭാഗമായുള്ളത്. യോഗത്തില്‍ സംസാരിക്കാനും തനിക്ക് അവസരം നല്‍കുകയാണ് ചെയ്തതെന്നും ദിവ്യ പറയുന്നു. ഡെപ്യൂട്ടി കളക്ടറാണ് സംസാരിക്കാനായി തന്നെ ക്ഷണിച്ചത്. ഡെപ്യൂട്ടി കളക്ടര്‍ ഇരുന്ന കസേരയില്‍ നിന്ന് എഴുന്നേറ്റ് മാറി ആ കസേര തനിക്ക് തരികയും അതിന് ശേഷം സംസാരിക്കാനായി ക്ഷണിക്കുകയും ചെയ്തു. അതിനു ശേഷമാണ് യോഗത്തില്‍ സംസാരിച്ചത് എന്നാണ്‌ ദിവ്യ വ്യക്തമാക്കുന്നത്‌.
